மோடி செய்த அக்கிரம், தேகம் கருகும் உயிர் வலியில் ஹசீனாவின் செயல்

-Amd Ismail-

குஜராத் ஆறாத வடுக்கள்,

அவள் பெயர் ஹசீனா. குஜராத்தில் அகமதாபாத்தின் நரோடா பாட்டியாவில் குடும்பத்தோடு வசித்து வந்தவள். எட்டு வயதில் ஒரு மகன், பனிரெண்டு வயதான மகள், கூலிவேலை செய்யும் கணவன் என அழகான குடும்பம் அவளுக்கு.

2002 பிப்ரவரி 28 மதியம் ஆயுதங்களை ஏந்திய பெருங்கும்பலொன்று நரோடா பாட்டியாவுக்குள் திபுதிபுவென்று நுழைந்து கண்ணில் பட்ட முஸ்லிம்கள் அனைவரையும் வெட்டிக்கொன்றபடி முன்னேறியது. என்ன நடக்கிறதென்று சுதாரிக்கும் முன்பே ஹசீனாவின் வீட்டுக்குள்ளும் நுழைந்தது கும்பல். தடுக்கவந்த அவள் கணவனை இரண்டாகப் பிளந்துபோட்டு உள்ளே நுழைந்த கும்பல் 12 வயதுச் சிறுமி மீது பாய்ந்து குதறியெடுத்தது. இன்னும் முளைக்கவே ஆரம்பித்திராத அந்தப்பிஞ்சு மார்பகங்களை சரசரவென அறுத்தெரிந்தான் ஒரு வெறியன்.

துண்டாகிக்கிடக்கும் கணவனைக்கண்டோ அல்லது துண்டாகிக்கொண்டிருக்கும் மகளைக்கண்டோ அஞ்சியவள் எட்டு வயது மகனைத் தூக்கிக்கொண்டு தப்பி ஓடினாள். அவளைப்போலவே இன்னும் பலரும் தெருவில் பயந்து ஓடிக்கொண்டு இருந்தனர். துரத்திவந்த வெறிக்கும்பலில் இருந்து தப்பிக்க எதிரில் இருந்த ஒரு சிறிய கிணற்றில் எவனோ ஒருவன் குதிக்க, அவனைத்தொடர்ந்து எல்லோரும் குதித்தனர். ஹசீனாவும் குதித்தாள்.

ஒருவகைக் கரைப்பாண் கலக்கப்பட்ட பெட்ரோலை கிணற்றுக்குள் ஊற்றிய கும்பல் பழைய டயரொன்றைக் கொளுத்தி உள்ளே வீசியது. யாருடைய துரதிர்ஷ்டமோ... போதுமான பெட்ரோல் இல்லாததால் எல்லோர் மீதும் பெட்ரோல் பட்டிருக்கவில்லை. சிலர் எரிந்தனர் சிலர் எரியவில்லை. அப்படித்தான் அவள் எரிந்துகொண்டிருந்தாள், அவள் மகன் எரியவில்லை.

தேகம் கருகும் உயிர் வலியில் துடித்துக்கொண்டு இருந்தவள், என்ன நினைத்தாளே " நீ மட்டும் இருந்து என்ன பன்னப்போற..? நீயும் எங்கூட வந்திரு.." என்று கத்திக்கொண்டே அவள் மகனை கட்டிப் பிடித்தாள். அதைப்போலவே எரிந்துகொண்டிருந்த ஒவ்வொருவரும் எரியாதவர்களை கட்டிப் பிடித்துக்கொண்டனர். அந்தக் கினற்றில் குதித்த ஒருவருமே எஞ்சவில்லை...

-மௌனத்தின் சாட்சியங்கள்

இதனை செய்த முக்கிய குற்றவாளி, தற்போது இந்திய பிரதமர் நரேந்திர மோடி