சட்டம் ஒழுங்கு சீர்குலைந்தமையால், கண்டியில் வன்முறைச் சம்பவங்கள் நடந்தன

சட்டம் ஒழுங்கு நிலைமை சீர்குலைந்தமையே கண்டியில் இடம்பெற்ற வன்முறை சம்பவங்களுக்கான காரணம் என அமைச்சர் பைசர் முஸ்தபா தெரிவித்துள்ளார்.

ஸ்ரீலங்கா சுதந்திரக் கட்சியின் தலைமையகத்தில் நடைபெற்ற செய்தியாளர் சந்திப்பில் அவர் இதனைத் தெரிவித்துள்ளார். அவர் மேலும் கூறுகையில்,

சட்டம் ஒழுங்கு நிலைமைகள் சீர்குலைந்த காரணத்தினால் கண்டியில் வன்முறைச் சம்பவங்கள் இடம்பெற்றன.

இந்த சம்பவங்கள் தொடர்பில் சட்டம் உரிய முறையில் அமுல்படுத்தப்படவில்லை என்பதனை ஏற்றுக்கொள்ள வேண்டும்.

சிலர் இந்த பிரச்சினையை முஸ்லிம் பிரச்சினையாக கருதினாலும், அது முஸ்லிம்களின் பிரச்சினை கிடையாது. இது இலங்கையர்கள் தொடர்பான பிரச்சினையேயாகும்.

இந்த சம்பவங்களுடன் தொடர்புடைய அனைவருக்கு எதிராகவும் சட்ட நடவடிக்கை எடுக்கப்படும். ஜெனீவாவிலும் இது குறித்து உறுதிமொழி வழங்கப்பட்டது.

இந்தப் பிரச்சினை ஓர் தேசியப் பிரச்சினை அன்று, சட்டம் ஒழுங்கு அமுல்படுத்தப்படாமையே இதற்கான காரணமாகும் என தெரிவித்துள்ளார்.