கைது செய்யப்படுவீர் என, நீதிமன்றம் நசீர் அஹ்மட்டுக்கு எச்சரிக்கை

முஸ்லிம் காங்கிரசுக்கு சொந்தமான காணி தொடர்பில் நீதிமன்றத்தில் தொடரப்பட்ட வழக்கு விசாரணை கடந்தவாரம் நீதிமன்றத்தில எடுத்துக் கொள்ளப்பட்டுள்ளது.

இதன்போது முன்னாள் கிழக்கு மாகாண  முதலமைச்சர் CID க்கு வாக்குமூலம் வழங்கியதாக நீதிமன்றத்தில் சுட்டிக்காட்டப்பட்டுள்ளது.

அந்த வாக்கு மூலத்தில் தான் முஸ்லிம் காங்கிரசுக்கு சொந்தமான எந்த காணியையும் விற்கவோ அல்லது வாங்கவோ இல்லை என  நசீர் அஹ்மட் சுட்டிக்காட்டியதாக CID பொலிசார் நீதிமன்றத்தில் சுட்டிக்காட்டியுள்ளனர்.

இதன்போது குறிக்கிட்டுள்ள மூத்த சட்டத்தரணியும், முஸ்லிம் சமூக ஆர்வலருமான சிராஸ் நூர்தீன், தாருசலாத்திற்குரிய காணியை கையகப்படுத்தியமை மற்றும் அதனை விற்றமை உள்ளிட்டவைகளுக்கான ஆதாரம் என்னிடம் உள்ளது என நீதிபதியின் கவனத்தை ஈர்த்துள்ளார்.

மேலும் தான் குறித்த காணியை வாங்கவில்லை என வாதிடும் நசீர் அஹ்மட், எப்படி அந்தக் காணியை விற்றுள்ளார் எனவும் கேள்வி கேட்டுள்ளதுடன், CID பொலிசாருக்கு நசீர் அஹ்மட் பொய்  சொல்வதாகவும் வாதிட்டுள்ளார்.

இவற்றை செவிமடுத்த நீதிபதி, நசீர் அஹ்மத்திடம் மீண்டும் CID குறுக்கு விசாரணை நடத்துமாறும்  அதில் நசீர் அஹ்மட் பொய் சொன்னது நிரூபிக்கப்படின் அவர் கைது செய்யப்படுவாரென  எச்சரித்துள்ளார்.

அதேவேளை குறித்த வழக்கு விசாரணையானது ஒத்திவைக்கப்பட்டு எதிர்வரும் மார்ச் மாதம் 5 ஆம் திகதி மீண்டும் விசாரணைக்கு எடுத்துக் கொள்ளப்படவுள்ளமை குறிப்பிடத்தக்கது.