கணவர்கள் தொழிலுக்கு சென்றபின், சூதாட்டத்தில் ஈடுபட்ட 8 பெண்கள் கைது

வெலிகம பிரதேசத்தில் சூதாட்டத்தில் ஈடுபட்ட 8 பெண்கள் கைது செய்யப்பட்டுள்ளனர்.

வெலிகம - ரேலகம பிரதேசத்தில் வீடு ஒன்றில் குறித்த சூதாட்டம் முன்னெடுத்து செல்லப்பட்டுள்ள நிலையிலே 8 பெண்களும் கைது செய்யப்பட்டுள்ளனர்.

குறித்த 8 பெண்களில் 5 பெண்கள் வேறு குற்றச்சாட்டுக்களுடன் தொடர்புடையவர்கள் என விசாரணைகள் மூலம் அறியவந்துள்ளது.

கைது செய்யப்பட்ட பெண்கள் 17 தொடக்கம் 35 வயதுக்கிடைப்பட்டவர்கள் என குறிப்பிடப்பட்டுள்ளது.

தனது கணவர்கள் மீன்பிடி தொழிலுக்கு சென்றதனை தொடர்ந்து அவர்கள் இவ்வாறான விடயங்களில் ஈடுபட்டு வந்துள்ளமை தெரியவந்துள்ளது.