இணைந்த வடகிழக்கில் படித்த, பக்குவமான முஸ்லிம் முதலமைச்சரை ஏற்கத் தயார் - சம்பந்தன்

“இணைந்த வடக்கு – கிழக்கில் படித்த பக்குவமான முஸ்லிம் முதலமைச்சரை ஏற்றுக்கொள்வதற்குத் தயார். நாம் அதற்கும் பின்னிற்கப்போவ தில்லை. ஆனால் முஸ்லிம் மக்களின் பிரதிநிதிகள் சிலர் வழிநடத்தல் குழுவில் கூறிய விடயங்களைக் கேட்டால் நீங்கள் வெட்கமடைவீர்கள். அவர்கள், அதிகாரங்கள் பகிரப்படக்கூடாது. அதிகாரங்கள் மத்தியில் (கொழும்பு அரசிடம்) இருக்க வேண்டும் என்று கூறினார்கள்”

இவ்வாறு தமிழ்த் தேசியக் கூட்டமைப்பின் தலைவரும், எதிர்க்கட்சித் தலைவருமான இரா.சம்பந்தன் தெரிவித்தார். மன்னாரில் அவர் மேலும் தெரிவித்ததாவது:

வடக்கு, கிழக்கு தனித்தனியாக உள்ளன. ஆனால் இணைப்பு விடயத்தில் முஸ்லிம் சகோதரர்கள் எம்முடன் இணைந்து செயற்பட வேண்டும். வடக்கு கிழக்கை இணைப்பதற்கு முகம்கொடுத்த கஷ்டங்களை நான் அறிவேன். அது பற்றி அதிகமாக பேசவில்லை. இருப்பினும் இந்த தருணத்தில் முஸ்லிம் சமுகத்திற்கு ஒரு அழைப்பை விடுக்கவுள்ளேன்.

நாம் சரித்திர ரீதியாக வடக்கு கிழக்கில் வாழ்ந்து வந்திருக்கின்றோம். நாம் தமிழ் பேசும் மக்கள். வடக்கிலும் கிழக்கிலும் தான் தமிழ் பேசும் மக்கள் பெரும்பான்மையாக இருக்கின்றார்கள். இந்த உண்மையை எவரும் மறுதலிக்க முடியாது. ஆகவே எமக்குள் இந்த விடயம் சம்பந்தமாக இணக்கப்பாடு ஏற்பட்டு இதனை சுமூகமாக தீர்க்க வேண்டும்.

வடகிழக்கில் கூட படித்த பக்குவமான முஸ்லிம் முதலமைச்சரை ஏற்றுக்கொள்வதற்கு தயார். நாம் அதற்கும் பின்னிற்கப்போவதில்லை. ஆனால் உங்களுடையபிரதிநிதிகள் சிலர் வழிநடத்தல் குழவில் கூறிய விடங்களை கேட்டால் நீங்கள் வெட்கமடைவீர்கள்.

அவர்கள், அதிகாரங்கள் பகிரப்படக்கூடாது. அதிகாரங்கள் மத்தியில் இருக்க வேண்டும். காணி அதிகாரம் மத்தியில் மாத்திரம் இருக்க வேண்டும் என்றெல்லாம் கூறியிருக்கின்றார்கள். இந்த விடயங்களை நீங்கள் அறிந்தீர்களோ இல்லையோ எனக்கு தெரியாது. ஆனால் இது தான் உண்மை.

1949ஆம் ஆண்டு தந்தை செல்வாவினால் தமிழரசுக்கட்சி ஆரம்பித்த காலத்திலிருந்து அண்ணன் அமிர்தலிங்கத்தின் காலம் என நீண்டதொரு பயணத்தினை மேற்கொண்டு வருகின்றோம். இன்னும் பல முன்னேற்றங்களைக் காணப்பதற்கு இடமுண்டு.

ஆறு மாதங்களுக்கு முன்னதாக எமது நண்பர்கள் சிலர் எம்மை வழிநடத்தல் குழுவிலிருந்து வெளியேறுமாறு கோரினார்கள். குறிப்பாக சம்பந்தனும், சுமந்திரனும் வழிநடத்தல் குழுவிலிருந்து வெளியேறுமாறு கூறுகின்றோம் என்று கட்டளை இட்டபோது நாம் பதில் கூற விரும்பவில்லை. அப்போதும் நான் நிதானமாகவே இருக்க வேண்டும் என்றே கூறினேன் – என்றார்.

10 comments:

Seeni Mohamed Sideeque02/10/2017, 09:41
We have very high regards towards the leaders like you.we as Muslims living in North and East prepare to accept the merger. But it is very much regret to note that the Tamil in the East specially in the Ampara District do not like to have a coastal district with the Muslims majority. Not only this - take Kalmunai as example. They need a separate DS and separate PS. Already they got the DS and fighting for separate PS.There are many more examples We can give. Under this circumstance how can we ask our people to support for the merger.

Terrence02/10/2017, 12:39
படித்த பக்குவமான வடக்கு முதலமைச்சர் என்ன செய்கிறார் என்பத உங்களுக்குத் தேரியாதா?
Majeed09/10/2017, 12:57
உங்களுடைய பிற்சந்ததியினர் முஸ்லிம்கள் ஒருவரும் பக்குவமுடையவர் அல்ல என கூறமாட்டார்கள் என என்ன நிச்சயம்?