அமைச்சர் ரிசாத் - யாழ்ப்பாணம் மீலாத் குழு சந்திப்பு

யாழ் மீலாத் விழா அபிவிருத்தித் திட்டங்கள் தொடர்பாக யாழ் மீலாத் குழு அமைச்சர் ரிசாத் அவர்களை 2017 ஜுன் முதலாம் திகதி  சந்தித்தது. இச்சந்திப்பில் முஸ்லிம் சமய கலாச்சார திணைக்களத்தின் செயலாளர் ஜனாப் முயீனுத்தீன் அவர்களும் கலந்து கொண்டார். 

இச்சந்திப்பில் மீலாத் வீடமைப்புத் திட்டங்களை உருவாக்குதல், பயனாளிகளைத் தெரிவு செய்தல், பள்ளிவாசல்களை அபிவிருத்தி செய்தல், வீதிகளைத் திருத்தல் போன்ற பல்வேறு விடயங்கள் கலந்துரையாடப்பட்டன. 

வேலைத் திட்டங்களை மிகவிரைவில் ஆரம்பிப்பதற்கு  முதல் கட்ட திட்டமிடல் பணிகளை செய்யுமாறு உரிய அதிகாரிகளுக்கு அமைச்சர் பணிப்புரை வழங்கினார். மேலும் யாழ்ப்பாண முஸ்லிம்களின் மீள்குடியேற்றத் திட்டத்தை சகல அடிப்படை வசதிகளும் கொண்ட வகையில் செயற்படுத்த அமைச்சர் திடசங்கட்பம் கொண்டுள்ளார்.   

இச்சந்திப்பில் கிளிநொச்சி மற்றும் முல்லைத்தீவு மாவட்டங்களில் செய்ய வேண்டிய மீலாத் அபிவிருத்தித் திட்டங்கள் பற்றியும் அந்தந்த மாவட்ட பிரதிநிதிகளுடன் கலந்துரையாடப்பட்டது. 

நாம் திட்டமிட்டபடி மீலாத் அபிவிருத்தித் திட்டங்கள் எமக்கு கிடைக்க எல்லாம் வல்ல அல்லாஹ் அருள்புரிவானாக! ஆமீன்....