ஜனாதிபதிக்கு ஒன்றும் தெரியாதாம், ஞானசாரரை கைதுசெய்ய உத்தரவில்லை..!

குருணாகல் - தம்புள்ளை வீதியில் ஞானசார தேரர் தலைமையிலான குழுவினர் மக்களின் இயல்பு வாழ்க்கைக்கு குந்தகம் ஏற்படுத்தும் வகையில் நேற்று குழப்பம் ஏற்படுத்தியிருந்தனர்.

இதன்போது தலையிட்ட பொலிஸார் அவர்களை அங்கிருந்து அப்புறப்படுத்தும் நடவடிக்கையில் ஈடுபட்டிருந்தனர்.

இந்நிலையில் அந்தப் பகுதியிலுள்ள எரிபொருள் நிரப்பும் நிலையத்திற்கு அருகில் பிடியாணையின்றி தன்னை பொலிஸார் கைது செய்ய முயற்சித்ததாக ஞானசார தேரர் குற்றம் சுமத்தியுள்ளார்

இது தொடர்பில் ஞானசார தேரர், சட்டம் ஒழுங்கு அமைச்சர் சாகல ரத்நாயக்கவை தொலைபேசி ஊடாக தொடர்பு கொண்டுள்ளார்.

எனினும், ஞானசார தேரரை கைது செய்ய தான் உத்தரவிடவில்லை என்றும், இந்த விடயம் குறித்து தனக்கு தெரியாது எனவும் அமைச்சர் மறுத்துள்ளார்.

நேற்றைய சம்பவம் தொடர்பில் ஜனாதிபதி செயலகமும் மறுப்பு தெரிவித்துள்ளது. அத்துடன், ஜனாதிபதிக்கும் இது தொடர்பில் ஒன்றும் தெரியாதென தெரிவிக்கப்பட்டுள்ளது.