நீர்கொழும்பை அச்சுறுத்தும் டெங்கு

நாட்டின் பல பகுதிகளில் டெங்கு நோய் பரவிவருகின்ற நிலையில், நீர்கொழும்பில் அதிகளவில் டெங்கு நோயாளர்கள் அடையாளம் காணப்பட்டுள்ளனர்.

நீர்கொழும்பு – தளுபத்தை, பெரியமுல்லை, கட்டுவை, தளுவகொட்டுவை ஆகிய பகுதிகளில் டெங்கு காய்ச்சல் துரிதமாகப் பரவி வருகின்றது.

நீர்கொழும்பில் இந்த வருடத்தின் இதுவரையான காலப்பகுதியில் 536 டெங்கு நோயாளர்கள் பதிவாகியுள்ளதாக நீர்கொழும்பு பொது சுகாதார பிரிவு தெரிவித்துள்ளது.

இதில் 6 வயது சிறுமி உட்பட 4 நோயாளர்கள் உயிரிழந்துள்ளமை குறிப்பிடத்தக்கது.

அத்துடன், நீர்கொழும்பு உள்ளிட்ட பகுதிகளில் அதிக எண்ணிக்கையில் டெங்கு நோயாளர்கள் பதிவாகி வருகின்றமையினால், நீர்கொழும்பு மாவட்ட வைத்தியசாலையில் இடப்பற்றாக்குறை காணப்படுவதாக எமது பிராந்திய செய்தியாளர் தெரிவித்தார்.

இதன் காரணமாக நோயாளர்கள் மிகுந்த சிரமத்தை எதிர்நோக்கி வருகின்றனர்.