யானைத் தாக்குதல்: வேடிக்கை பார்த்த ​பொதுமக்கள் - தம்புள்ளையில் சோகம் (படங்கள்)

காட்டு யானைத் தாக்குதலுக்கு இலக்காகி, வீதியில் காயத்துடன் விழுந்து கிடந்த நபரை, அவ்வழியாகச் சென்றவர்கள், வைத்தியசாலையில் அனுமதிக்க நடவடிக்கை எடுக்காது வேடிக்கை பார்த்துச் சென்ற சம்பவமொன்று, தம்புள்ளை பிரதேசத்தில் பதிவாகியுள்ளது. 

இன்று -03- அதிகாலையில் காட்டு யானைத் தாக்குதலுக்கு இலக்கானவர், மயக்கமடைந்த நிலையில், வீதியோரத்தில் விழுந்து கிடந்துள்ளார். 

அவ்வழியாக சென்ற வாகனங்கள், காயமடைந்த நபருக்கு அருகில் நின்றும், அவரைக் கொண்டுச் செல்ல விருப்பமில்லாமல் சென்றுவிட்டதாக அயல்வாசிகள் தெரிவித்துள்ளனர். 

தம்புள்ளை - பக்கமுன பிரதான வீதியில் 13ஆவது மைல்கல் பகுதியில் பயணித்த போதே குறித்த நபர் காட்டு யானைத் தாக்குதலுக்கு இலக்காகியுள்ளார். 

சுமார் ஒரு மணித்தியாலத்துக்கு பின்னர், அவ்வழியாக பயணித்த தம்புள்ளை பொலிஸ் நிலைய உப பொலிஸ் பரி​சோதகர், அவ்வழியாகச்  ​ சென்ற சிறிய ரக லொறியை நிறுத்தி, காயமடைந்த நபரை தம்புள்ளை வைத்தியசாலைக்கு கொண்டுச் செல்ல நடவடிக்கை எடுத்துள்ளார்.