எதிரிகள் மீது எங்களால், ஏவுகணையை மழைப்போல பொழியமுடியும் -ஈரான்

இரான் தன்னுடைய ராணுவ பயிற்சிகளை மேற்கொண்டுள்ள நிலையில், இந்த பயிற்சியின் போது அது தன்னுடைய குறுகிய தூர ஏவுகணை மற்றும் ரேடார் அமைப்புகளை பரிசோதிக்க உள்ளது.

இரான் மீது அமெரிக்கா புதிய பொருளாதார தடைகளை விதித்ததை தொடர்ந்து அதற்கு அடுத்தநாள் அங்கு இந்த ராணுவ பயிற்சிகள் நடைபெறுகின்றன.

தவறான நடவடிக்கையை எடுக்கும் நாட்டின் எதிரிகள் மீது தங்களால் ஏவுகணையை மழைப்போல பொழிய முடியும் என்று இரான் ராணுவம் தெரிவித்துள்ளது.

கடந்த ஞாயிறன்று இரான் நடத்திய கண்டம் விட்டு கண்டம் பாயும் ஏவுகணை சோதனை திட்டத்திற்கு பதிலடியாக புதிய பொருளாதார தடைகளை விதித்துள்ளதாக அமெரிக்கா தெரிவித்துள்ளது.

மேலும், தீவிரவாதத்திற்கு தொடர்ந்து இரான் ஆதரவு வழங்கி வருகிறது என்றும் அமெரிக்கா வர்ணித்துள்ளது.