எம்மை வீழ்த்த சதி, பாதுகாத்துக்கொள்ளவே கட்சிக்குள் மாற்றங்களை ஏற்படுத்தியுள்ளோம் - ஹக்கீம்

ஆட்சி அதி­கா­ரங்­களை கூடு­த­லாக பகிரவேண்டும். அந்த பொறுப்பை கட்­டாயம் செய்வோம் என வாக்­கு­றுதி வழங்கி அதி­கா­ரத்­திற்கு வந்­த­வர்கள் அந்த வாக்­கு­று­தி­களில் இருந்து தடம் புரளப் போகின்­ற­னரா என சந்­தேகம் எழு­கின்­றது. ஸ்ரீலங்கா சுதந்­திரக் கட்­சியும் ஐக்­கிய தேசியக் கட்­சியும் மாத்­திரம் இந்த அர­சாங்­கத்தை அமைக்­க­வில்லை. இந்த அர­சாங்­கத்தை அமைத்­ததில் ஸ்ரீலங்கா முஸ்லிம் காங்­கி­ர­சுக்கு எப்­படி பங்­குள்­ளதோ அதை­வி­டவும் மிகைத்த பங்கு மக்கள் விடு­தலை முன்­ன­ணிக்கும், தமிழ்த் தேசியக் கூட்­ட­மைப்­பி­ன­ருக்கும் உள்­ளது என ஸ்ரீலங்கா முஸ்லிம் காங்­கி­ரஸின் தலைவர் அமைச்சர் ரவுப் ஹக்கீம் தெரி­வித்தார்.  

அர­சியல் யாப்­பின்­மூலம்  சிறு­பான்மை சமூ­கங்­களின் உரி­மை­களை மேம்­ப­டுத்த அதற்­கான திருத்­தங்­களை செய்­ய­வேண்டும் என்று வாக்­கு­றுதி வழங்­கிய  தலை­வர்கள் இன்று தமது கட்­சிக்குள் எழும் எதிர்ப்­பு­களை சமா­ளிக்க முடி­யாது தங்­களின் வாக்­கு­று­தி­களில் இருந்து நழுவிப் போகின்­றனர் எனவும் அவர் குறிப்­பிட்டார். ஸ்ரீலங்கா முஸ்லிம் காங்­கி­ரஸின் 27ஆவது பேராளர் மாநாடு நேற்று கொழும்பு பண்­டா­ர­நா­யக ஞாப­கார்த்த  சர்­வ­தேச மாநாட்டு மண்­ட­பத்தில் நடை­பெற்­றது. இதில் உரை­யாற்­று­கை­ய­லேயே   அவர் மேற்­கண்­ட­வாறு குறிப்­பிட்டார். அவர் மேலும் கூறு­கையில், 

இன்­றைய பேராளர் மாநாடு மிகவும் வெற்­றி­க­ர­மான ஒன்­றாக அமைந்­துள்­ளது. இதற்கு முன்னர் இருந்த நிலை­மையை விடவும் இப்­போது நாம் பல­மான நிலை­மையில் உள்ளோம். இந்த ஆட்­சியின் பங்­கா­ளர்­க­ளாக நாம் உள்ளோம். இது சாதா­ரண விடயம் அல்ல. மத்­தி­யிலே அர­சாங்­கத்தில் பல­மான நிலை­யிலும் மாகாண ஆட்­சியில் கிழக்கில் அத்­தனை சுக்­கான்­களும் எமது கைகளில் உள்­ளன. இந்த தரு­ணத்தில் எமது கட்­சியை பல­வீ­னப்­ப­டுத்த ஒரு கூட்டம் செயற்­பட்டு வரு­கின்­றது. இவர்கள் எமது அணிக்­குள்­ளேயே இருக்­கின்­றனர். எமது இயக்­கத்­தினுள் இருந்து எம்மை பல­வீ­னப்­ப­டுத்தும் நட­வ­டிக்­கை­களை இவர்கள் மேற்­கொண்டு வரு­கின்­றனர். நாம் ஊழல் அர­சியல் செய்­ய­வில்லை. இந்த மோச­மான அர­சி­ய­லுக்கு அப்பால் நாம் மிகுந்த  அடக்­கத்­தோடும் திறந்த மன­தோடும் எமது 

உள்­வி­வ­கா­ரங்­களை  ஒளிவு மறைவு இல்­லாது பேசும் தன்­மையில் செயற்­ப­டு­கின்றோம்.  சவால்­களை கூட்­டாக தீர்க்கும் முயற்­சியில் இறங்கும் தயார் நிலைக்கு கட்­சியை  முன்­னெ­டுத்து செல்ல வேண்டும் என்ற அறை­கூ­வலை எமது கட்­டாய உயர்­பீடக் கூட்­டத்தில் விடுத்தேன். இந்த இயக்கம் திறந்த மன­துடன் நேற்­றைய கூட்­டத்தில் பேசி­யது. இன்றும் பேச­வேண்­டிய தேவையும் உள்­ளது. எமது இயக்­கத்தை வளர்த்த பலர் எம்­முடன் உள்­ளனர். இந்த இயக்கம் வாழ­வேண்டும் என்­பதில் எமது மக்கள் உள்­ளனர். அதற்­கா­கவே நாம் சில முக்­கி­ய­மான தீர்­மா­னங்­களை எடுத்­துள்ளோம். எமது கட்­சியில் சில முக்­கிய பதவி மாற்­றங்­களை செய்ய வேண்டும் என்ற கட்­டா­யத்தில் கான் இந்த தீர்­மா­னங்­களை எடுத்தோம். எமது பக்க நியா­யங்­களை நான் நேற்­றைய கூட்­டத்தில் வெளிப்­ப­டை­யாக தெரி­வித்தேன்.

மேலும் இன்று எமக்கு மாத்­திரம் அல்ல நாட்டில் சகல கட்­சி­க­ளையும் சவால்கள் சூழ்ந்­துள்ள ஒரு கால­கட்­டத்தில் உள்ளோம். கட்­சி­க­ளுக்கு உள்ளே பல குழப்­பங்­களை ஏற்­ப­டுத்தும் சூழ்­சிகள் நடந்த வண்­ணமே உள்­ளது.  எமது கட்­சிக்குள் மாத்­திரம் பிரச்­சி­னைகள் உள்­ள­தாக கூற­வேண்­டிய அவ­சியம் இல்லை. ஆனால்  எமது கட்­சிக்குள் பூதா­க­ர­மான பிரச்­சி­னைகள் இருப்­ப­தாக கூறி அவர்கள் வெட்­டிய குழி­களில் அவர்­களே விழுந்­துள்­ளனர். கட்­சியில் இருந்து யாரையும் துரத்த வேண்டும், 

நீக்­க­வேண்டும் , ஒதுக்­கி­வைக்க வேண்டும் என நினைத்­த­தில்லை. ஆனால் கட்­சியின் சூழ்ச்­சி­களை எதிர்­கொள்ள தலை­மையை பலப்­ப­டுத்த வேண்­டிய கட்­டாயம் எமக்கு ஏற்­பட்­டுள்­ளது. இன்று இருக்கும் நிலையில் அர­சியல் குழப்­பங்கள் ஏரா­ள­மாக உள்­ளன. இன்று அர­சியல் அமைப்பு சீர்­தி­ருத்தம் பற்றி நாம் பேசு­கின்றோம்.  

ஸ்ரீலங்கா சுதந்­திர கட்­சியும் ஐக்­கிய தேசியக் கட்­சியும் மாத்­திரம் இந்த அர­சாங்­கத்தை அமைக்­க­வில்லை. இந்த அர­சாங்­கத்தை அமைத்­ததில் ஸ்ரீலங்கா முஸ்லிம் காங்­கி­ர­சுக்கு எப்­படி பங்­குள்­ளதோ அதை­வி­டவும் மிகைத்த பங்கு மக்கள் விடு­தலை முன்­ன­ணிக்கும், தமிழ்த் தேசியக் கூட்­ட­மைப்­பி­ன­ருக்கும் உள்­ளது. கடந்த ஆட்­சியின் அட்­டூ­ழி­யங்கள், மோச­டி­களை தடுக்க அனை­வரும் வந்­த­ததன் பின்­ன­ணயில் தான் இந்த அர­சாங்கம் ஆட்­சியை அமைத்­தது என்­பதை நாம் நினை­வு­ப­டுத்த வேண்டும். 

ஒன்று ஐக்கிய தேசியக் கட்சியுடன் இணைந்து தேர்தலில் போட்டியிடுவதாகும். அல்லது அப்போதைய அரசாங்கமான ஸ்ரீலங்கா சுதந்திரக் கட்சியுடன் இணைந்து போடடியிடுவதாகும். அல்லது தமிழ்த் தேசியக் கூட்டமைப்புடன் இணைந்து கேட்பதாகும். ஆனால் தனித்துக் கேட்பது என்பது மாற்றுவழி  அல்ல.  தமிழ்த் தேசியக் கூட்டமைப்புடன் இணைந்து போட்டியிட்டு ஆபத்துக்களை சந்திக்க நாம் தயாராக இல்லை. 

ஐக்கிய தேசியக் கட்சியுடன் கேட்பது ஆட்சியை கைப்பற்றும் பாதை அல்ல. நாம் அப்போதும் தனித்து தீர்மானம் எடுத்து எமது இருப்பை நாம் பலப்படுத்தினோம். எம்மை வீழ்த்த இப்போதும் சதிகள் முன்னெடுக்கப்பட்டு வருகின்றன. அதில் இருந்து எம்மை நாம் பாதுகாத்துக்கொள்ள வேண்டும். அதற்காவே கட்சிக்குள் நாம் அவசர  மாற்றங்களை ஏற்படுத்தியுள்ளோம்  என்றார்.