முஸ்லிம் கடைகளை பலவந்தமாக, 3 நாட்கள் மூடவைத்த இனவாதக் குழு - பொலிஸார் வேடிக்கை பார்ப்பு

தம்­புள்ளை நகரில் கடந்த வாரம் தனியார் வர்த்­தக நிலையம் ஒன்றில் இடம்­பெற்ற மோதல் சம்­ப­வத்தைக் கட்­டுப்­ப­டுத்­து­வதில் அப் பிர­தேச பொலிசார் அசி­ரத்­தை­யாக செயற்­பட்­ட­துடன் முஸ்­லிம்­க­ளுக்குச் சொந்­த­மான வர்த்­தக நிலை­யங்­களை மூன்று நாட்கள் தொடர்ச்­சி­யாக மூடச் செய்­வ­தற்கு உடந்­தை­யாக இருந்­த­தா­கவும் குறிப்­பிட்டு தேசிய பொலிஸ் ஆணைக்­கு­ழுவில் முறைப்­பாடு  செய்­யப்­பட்­டுள்­ளது.

ஸ்ரீ லங்கா முஸ்லிம் கவுன்சில் தலைவர் என்.எம்.அமீன் ஒப்­ப­மிட்டு அனுப்பி வைத்­துள்ள இம் முறைப்­பாட்டுக் கடி­தத்தின் பிர­திகள் ஆணைக்­கு­ழுவின் ஏனைய உறுப்­பி­னர்­க­ளுக்கும் சட்டம் ஒழுங்கு அமைச்சர் சாகல ரத்நாயக்க, பொலிஸ் மா அதிபர் ஆகி­யோ­ருக்கும்  அனுப்பி வைக்­கப்­பட்­டுள்­ளன.

குறித்த முறைப்­பாட்டில் மேலும் தெரிவிக்கப்பட்டுள்ளதாவது, கடந்த 8 ஆம் திகதி முஸ்லிம் ஒரு­வ­ருக்குச் சொந்­த­மான உண­வ­கத்தில் வாடிக்­கை­யா­ள­ருக்கும் அந்த உண­வ­கத்தின் முகா­மை­யா­ள­ருக்கும் இடையில் ஏற்­பட்ட வாய்த்­தர்க்கம் பின்னர் மோத­லாக மாறி­யுள்­ளது. இதன்­போது குறித்த வாடிக்­கை­யாளர் தரப்பில் வந்த சுமார் 25 பேர் கொண்ட கும்பல் உண­வ­கத்தின் முகா­மை­யா­ளரை கடு­மை­யாகத் தாக்­கி­யுள்­ளனர்.  இச் சம்­ப­வத்­துடன் தொடர்­பு­டைய இருவர் கைது செய்­யப்­பட்டு சட்ட நட­வ­டிக்­கைகள் முன்­னெ­டுக்­கப்­பட்­டுள்­ளன.

இருந்­த­போ­திலும் இந்த சம்­ப­வத்தை தமக்கு சாத­க­மாகப் பயன்­ப­டுத்திக் கொண்ட அப் பகு­தியைச் சேர்ந்த ஒரு இன­வாதக் குழு­வினர் தம்­புள்ளை நக­ரி­லுள்ள சகல முஸ்லிம் வர்த்­தக நிலை­யங்­க­ளையும் மூடு­மாறு வற்­பு­றுத்­தி­யுள்­ளனர். இதற்­க­மைய முஸ்லிம் வர்த்­த­கர்கள் தமது வர்த்­தக நிலை­யங்­களை மிகவும் பல­வந்­த­மான முறையில் மூன்று நாட்கள் தொட­ராக மூடு­வ­தற்கு நிர்ப்­பந்­திக்­கப்­பட்­டனர்.  இது தொடர்பில் பொலிஸ் நிலை­யத்தில் முறைப்­பாடு செய்­யப்­பட்ட போதிலும் பொலிசார் எந்­த­வித ஆக்­க­பூர்­வ­மான நட­வ­டிக்­கை­க­ளையும் எடுக்­க­வில்லை.

தம்­புள்­ளையில் அண்­மைக்­கா­ல­மாக இன­வாத சக்­திகள் பிரச்­சி­னை­களை உரு­வாக்கி வரு­வதை தாங்கள் அறி­வீர்கள். அந்த வகையில் மேற்­படி சம்­பவம் தொடர்­பிலும் முஸ்லிம் வர்த்­த­கர்­க­ளுக்கு இழைக்­கப்­பட்ட அநீதிகள் தொடர்பிலும் உரிய விசாரணைகளை நடாத்துமாறும் எதிர்காலத்தில் இவ்வாறான இனவாத சம்பவங்கள் இடம்பெறாதிருப்பதை உறுதிப்படுத்துமாறும் வேண்டிக் கொள்கிறோம் என அக் கடிதத்தில் மேலும் குறிப்பிடப்பட்டுள்ளது.

விடிவெள்ளி