முஸ்லிம் திருமணத்தில், மணமகளின் கையொப்பம் வேண்டும் - 3 பெண் அமைப்புக்கள் போர்க்கொடி

பெண் காதிகள் நிய­மனம், பெண் விவாகப் பதி­வாளர் நிய­மனம் என்­ப­னவும் உள்­வாங்­கப்­பட வேண்டும் எனவும் முஸ்லிம் சமய விவ­கார அமைச்சர் உல­மாக்­க­ளுடன் கலந்­து­ரை­யாடி இதற்­கான ஏற்­பா­டு­களைச் செய்ய வேண்டும் எனவும் மூன்று முன்­னணி முஸ்லிம் பெண்கள் அமைப்­புகள், முஸ்லிம் சமய விவ­கார மற்றும் தபால், தபால் சேவைகள் அமைச்­சரை சந்­தித்து கோரிக்கை விடுத்­துள்­ளன. 

முஸ்­லிம சமய விவ­கார மற்றும் தபால், தபால் சேவைகள் அமைச்சின் காரி­யா­ல­யத்தில் இடம்­பெற்ற அமைச்சர் எம்.எச்.ஏ.ஹலீ­மு­ட­னான இந்தச் சந்­திப்பில் முஸ்லிம் பெண்கள் அபி­வி­ருத்தி நம்­பிக்­கை­யகம் –புத்­தளம், முஸ்லிம் பெண்கள் செயல் ஆராய்ச்சி முன்­னணி – கொழும்பு, ஆய்­வுக்கும் மேம்­பாட்­டிற்­கு­மான இஸ்­லா­மிய மகளிர் ஒன்­றியம் –காத்­தான்­குடி ஆகிய பெண்கள் அமைப்­பு­களைச் சேர்ந்த 8 பெண் பிர­தி­நி­திகள் பங்கு கொண்­டனர்.

இச்­சந்­திப்பில் பெண்கள் அமைப்பின் பிர­தி­நி­திகள் மேலும் பல கோரிக்­கை­களை முன்­வைத்­தனர். இள­வ­யது திரு­மணம் தடை செய்­யப்­பட வேண்­டு­மெ­னவும் முஸ்லிம் பெண்­களின் திரு­மண வய­தெல்லை அதி­க­ரிக்­கப்­பட வேண்­டு­மெ­னவும் கண­வனின் கொடு­மை­களால், தவ­றினால் 'பஸஹ்' செய்து கொள்ளும் பெண்­க­ளுக்கும் நியா­ய­மான கார­ணங்­க­ளின்றி கணவர் தலாக் சொல்­லப்­படும் பெண்­க­ளுக்கும் நஷ்­ட­ஈடு வழங்கும் வகையில் திருத்­தங்கள் மேற்­கொள்­ளப்­ப­ட­வேண்­டு­மெ­னவும் அவர்கள் வலி­யு­றுத்­தினர். 

திரு­மணப் பதிவின் போது மண­ம­களின் கையொப்பம் பெற்­றுக்­கொள்­ளப்­பட வேண்­டு­மென்­பதும் அவர்­க­ளது கோரிக்­கை­யாக இருந்­தது. முஸ்லிம் பெண்கள் செயல் ஆராய்ச்சி முன்­னணி தனது ஆய்­வ­றிக்­கை­யொன்­றி­னையும் அமைச்­ச­ரிடம் சமர்ப்­பித்­தது. முஸ்லிம் தனியார் சட்­டத்தில் மேற்­கொள்­ளப்­பட வேண்­டிய திருத்­தங்கள் தொடர்­பான சிபார்­சுகள் அதில் குறிப்­பி­டப்­பட்­டி­ருந்­தன. அறிக்­கையில் 5 ஆயிரம் பேரின் கையொப்­பங்­க­ளும் பெறப்­பட்­டி­ருந்­தன.

புத்­த­ளத்தை தலை­மை­ய­க­மாகக் கொண்­டி­யங்கும் முஸ்லிம் பெண்கள் அபி­வி­ருத்தி நம்­பிக்­கை­யகம் இள­வ­யது திரு­மணம் தொடர்­பாக மட்­டக்­க­ளப்பு, அம்­பாறை மற்றும் புத்­தளம் மாவட்­டங்­களில் மேற்­கொள்­ளப்­பட்ட ஆய்­வுகள் அடங்­கிய நூலொன்­றி­னையும் அமைச்­ச­ரிடம் கைய­ளித்­தது.

அந்­நூலில் 350 இள­வ­யது திரு­மண ஆய்வுகள் உள்­வாங்­கப்­பட்­டி­ருந்­தது. இந்த 350 திரு­ம­ணங்­க­ளிலும் 108 குடும்­பங்கள் பிரிந்­தி­ருந்­தினர். விவா­க­ரத்து பெற்­றி­ருந்­தனர். இள­வ­யது திரு­ம­ணத்­தினால் ஏற்­படும் கருச்­சி­தைவு மற்றும் எதிர்­கொள்ளும் பிரச்­சி­னைகள் தெளி­வாக விளக்­கப்­பட்­டி­ருந்­தன. 

காத்­தான்­கு­டியைச் சேர்ந்த ஆய்­வுக்கும் மேம்­பாட்­டிற்­கு­மான இஸ்­லா­மிய மகளிர் ஒன்­றியம் கடந்த 6 மாத காலத்தில் மட்­டக்­க­ளப்பு மாவட்­டத்தில் நடந்த இள­வ­யது திரு­ம­ணங்கள், அத் திரு­ம­ணங்­களில் நில­விய பிரச்­சி­னைகள், அப்­ப­குதி காதி நீதி­மன்­றங்­களின் பிரச்­சி­னைகள் தொடர்­பி­லான ஆய்வு அறிக்­கை­யொன்­றி­னையும் அமைச்­ச­ரிடம் கைய­ளித்­தது. 

மனைவி, பிள்ளை தாப­ரிப்பு பணம், கைக்­கூலி தொடர்­பாக நீதிவான் நீதி­மன்றம் மற்றும் மாவட்ட நீதி­மன்­றுக்கு காதி நீதி­ப­தி­க­ளினால் அனுப்பி வைக்­கப்­படும் வலி­யு­றுத்தற் கட்­ட­ளை­க­ளினால் ஏற்­படும் பிரச்­சி­னைகள் தொடர்­பிலும் பெண் பிர­தி­நி­திகள் அமைச்­ச­ருக்குத் தெளி­வூட்­டி­னார்கள். 

பெண்கள் அமைப்­பு­களின் பிர­தி­நி­தி­களின் கோரிக்­கை­களை செவி­ம­டுத்த அமைச்சர் எம்.எச்.ஏ.ஹலீம் முஸ்லிம் விவாக, விவா­க­ரத்து சட்­டத்தில் திருத்­தங்கள் தொடர்பில் உல­மாக்­க­ளுடன் கலந்­து­ரை­யா­டல்­களை நடத்தி திருத்­தங்கள் ஷரீ­ஆ­வுக்கும் முஸ்லிம் கலா­சா­ரத்­துக்கும் அமைவாக மேற்கொள்வதற்கு ஆவன செய்யப்படும் என உறுதியளித்தார்.

முன்னாள் உயர்நீதிமன்ற நீதியரசர் சலீம் மர்சூப் தலைமையிலான குழுவினது அறிக்கை கிடைக்கப் பெற்றதும் அது தொடர்பில் அனைத்து தரப்பினருடனும் கலந்துரையாடல்களை மேற்கொள்ளவுள்ளதாகவும் தெரிவித்தார்.

இச்சந்திப்பில் வக்பு சபையின் தலைவர் சட்டத்தரணி எஸ்.எம்.எம்.யாசீனும் கலந்து கொண்டிருந்தார்.