என் வாழ்க்கையில், இதுதான் மிக பெரிய தோல்வி

தென் ஆப்பிரிக்காவில் சுற்றுப்பயணம் செய்து விளையாடி வரும் இலங்கை கிரிக்கெட் அணி 3 போட்டிகள் கொண்ட டெஸ்ட் தொடரை முழுவதுமாக இழந்துள்ளது.

அதுவும் 3வது டெஸ்ட் போட்டியில், இன்னிங்ஸ் மற்றும் 118 ஓட்டங்கள் வித்தியாசத்தில் தென் ஆப்பரிக்காவிடம் இலங்கை மிக பெரிய தோல்வியை சந்தித்துள்ளது.

இதுகுறித்து அணியின் தலைவர் ஏஞ்சலா மேத்யூஸ் கூறுகையில், என் கிரிக்கெட் வாழ்க்கையில் எவ்வளவோ தோல்விகளை நான் பார்த்துள்ளேன். ஆனால் அணியின் தலைவராக இதுதான் மிக பெரிய தோல்வியாக கருதுகிறேன்.

எந்தவொரு ஆடுகளத்தில் விளையாடும் நோக்கத்தோடு தான் நாங்கள் இலங்கையில் பயிற்சி எடுத்தோம் மற்றும் பவுன்சர் பந்துகளை எதிர்கொள்ளவும் சிறப்பு பயிற்சி பெற்றோம்.

ஆனாலும் அதிக அனுபவம் இல்லாத வீரர்களால் எங்களால் இதை திறம்பட கையாள முடியவில்லை என கூறியுள்ளார்.

அதிலும், எங்கள் அணியில் இருக்கும் வீரர்களில் 3 பேர் மட்டுமே இதுவரை தென் ஆப்பிரிக்காவின் விளையாடிய அனுபவம் பெற்றவர்கள் எனவும் மேத்யூஸ் கூறியுள்ளார்.