திருடர்களை துரத்திச்சென்ற, பிரதியமைச்சர் பாலித்தவுக்கு காயம்

கால்நடை திருடர்களை பிடிக்கச் சென்ற பிரதியமைச்சர் பாலித்த தெவரபெரும குழியில் விழுந்து காயமடைந்துள்ளார்.

கால்நடைகள் வேன் ஒன்றில் கடத்திச் செல்லப்படுவதாக அறிவிக்கப்பட்டுள்ளது. இதன்போது, வேனை பிடிப்பதற்கான முயற்சியில் பிரதியமைச்சர் மற்றும் பலர் ஈடுப்பட்டுள்ளனர்.

அவர்களை பிடிப்பதற்காக துரத்திச் சென்ற பிரதியமைச்சர் பாதையில் உள்ள குழி ஒன்றில் விழுந்தமையால் அவரின் கால் காயத்திற்குள்ளாகியுள்ளதாக கூறப்பட்டுள்ளது.

பின்னர், சந்தேகநபர்களும் வாகனமும் பேருவளை பொலிஸாரிடம் ஒப்படைக்கப்பட்டுள்ளது.

கைது செய்யப்பட்டவர்கள் மதுகம,முன்ஹென்ன பகுதியை சேர்ந்தவர்கள் என குறிப்பிடப்பட்டுள்ளது.

குறித்த சம்பவம் தொடர்பில் பொலிஸார் மேலதிக விசாரணைகளை மேற்கொண்டு வருகின்றனர்.