ஊருக்குள் வந்த, முதலையார் பிடிபட்டார் (படங்கள்)

மட்டக்களப்பில் ஊருக்குள் நுழைந்த 10 அடி நீளமான முதலையொன்றை பிரதேசவாசிகள் பிடித்துள்ளனர்.

மஞ்செந்தொடுவாய் கிராமத்திற்குள் இன்று -25-  காலை நுழைந்த குறித்த முதலையை பிரதேசத்தில் வசிப்போர் பிடித்து வன ஜீவராசிகள் திணைக்கள அதிகாரிகளிடம் ஒப்படைத்துள்ளனர்.

கடந்த சில தினங்களாக கிழக்கில் பெய்து வந்த மழையினால் ஏற்பட்ட நீரோட்டத்தில் இந்த முதலை திசைமாறி ஊருக்குள் நுழைந்துள்ளது.

நீர் வற்றியதும் முதலை கிராமத்திற்குள் கிடப்பதை அவதானித்த கிராம மக்கள் முதலையை பிடித்து விட்டு காத்தான்குடிப் பொலிஸாருக்கும், வன ஜீவராசிகள் திணைக்கள அதிகாரிகளுக்கும் அறிவித்துள்ளனர்.

இதன் பின்னர் முதலை வன ஜீவராசிகள் திணைக்களத்தினரால் வேறு நீர் நிலையில் விடுவதற்காக முதலை கொண்டு செல்லப்பட்டுள்ளது.