சுவிஸில் வெளிநாட்டு தலைவர்களுடனான, ரணிலின் சந்திப்பு தொடருகிறது

சுவிஸர்லாந்துக்கு உத்தியோகபூர்வ விஜயம் மேற்கொண்டுள்ள பிரதமர் ரணில் விக்ரமசிங்க அந்த நாட்டு ஜனாதிபதி டோரிஸ் லெதாட்டை (Doris Leuthard) அவரது இல்லத்தில் வைத்து சந்தித்துள்ளார். 

இலங்கையுடனான இருதரப்பு உறவை தொடர்ந்தும் உறுதி செய்ய எதிர்காலத்தில் மிக நெருக்கமாக செயற்பட எதிர்பார்த்துள்ளதாக, சுவிஸர்லாந்து ஜனாதிபதி இதன்போது சுட்டிக்காட்டியுள்ளார். 

மேலும், இலங்கையில் அரசாங்கத்தால் மேற்கொள்ள எதிர்பார்த்துள்ள தேசிய பொருளாதார மற்றும் அபிவிருத்திகள் தொடர்பில், இந்த சந்திப்பின் போது, பிரதமர் ரணில் விக்ரமசிங்க, டோரிஸ் லெதாட்டிடம் விரிவாக விளக்கமளித்துள்ளார்.