ஆக்கிரமிப்புக்குள் பொத்தானை பள்ளிவாசல், மீட்பது யார்..?

- றிசாத் ஏ காதர் -

திருக்­கோயில் பிர­தேசம் என்­பது முற்­றிலும் தமிழ் இனத்­த­வர்கள் வாழ்­கின்ற ஒரு பிர­தேசம். இங்கு பொத்­தானை என்­கின்ற முஸ்­லிம்­க­ளுக்குச் சொந்­த­மான வயல்­கி­ராமம் காணப்­ப­டு­கின்­றது. 

பொத்­தானை கிராமம் 260 ஆண்­டுகள் பழமை வாய்ந்த வர­லாற்றை கொண்ட கிராமம். இங்கு முஸ்­லிம்கள் வாழ்ந்­தார்கள் என்­ப­துக்­கான  அடை­யா­ள­மாக ஒரு “ஸியாரம்” காணப்­ப­டு­கின்­றது. இங்­குள்ள ஸியா­ரத்தில் அடக்கம் செய்­யப்­பட்­டுள்­ளவர் ஒர் இறை­நேசர் என்றும், அவ­ரு­டைய பெயர் "அமீருள் ஜப்­பாருள் ஹம­தானி" அல்­லது "அஸ்-­சதாத் துறா-­அ­லிஷா மாபூத்" என இரு­வே­றாக அழைக்­கப்­ப­டு­வதும் குறிப்­பி­டத்­தக்­கது. இதனை அண்­டி­ய­தாக மார்க்கக் கட­மை­களை மேற்­கொள்­வ­தற்­கான "ஆராய்ச்சி மரைக்கார் தைக்கா" எனும் பெயரில் பள்­ளி­வாசல், கொடி­மரம் என்­ப­னவும் அமை­யப்­பெற்­றுள்­ள­தனை அவ­தா­னிக்க முடி­கின்­றது. 

இவ்­வாறு பழ­மை­யான வர­லாற்­றுடன் தொடர்­பு­டைய இட­மொன்றில் பள்­ளி­வாசல் மரக்­கம்­பு­களால் அமைக்­கப்­பட்டு கூரைக்கு தக­டுகள் போடப்­பட்­டுள்­ள­தனை அவ­தா­னித்த போது நம்முள் கேள்­விகள் எழா­ம­லில்லை. அதற்­கான கார­ணங்­களும் இல்­லா­ம­லில்லை. இப்­பள்­ளி­வாசல் யுத்­த­கா­லத்தில் பல­முறை எரிக்­கப்­பட்­ட­தா­கவும், பின்னர் நிர்­மா­ணிப்புச் செய்­வ­தற்­கான வச­திகள் வாய்ப்­புக்கள் போதி­ய­ள­வாக இல்­லா­மை­யினால் அவை நடை­பெ­றாமல் போன­தா­கவும் கவ­லை­யுடன் தெரி­விக்­கின்றார் பரி­பா­லன சபைச் செய­லாளர் எம்.எஸ்.அலா­வுதீன்.

இவ்­வா­றான பல வர­லாற்று சான்­று­க­ளுடன் காணப்­படும் இடம் தற்­போது ஆக்­கி­ர­மிப்புச் செய்­யப்­பட்­டுள்­ளது. தொல்­பொருள் ஆராய்ச்சி திணைக்­களம்  எல்லைக் கற்கள் போட்டே அவ் ஆக்­கி­ர­மிப்பைச் செய்­துள்­ளது. இது விடயம் பற்றி அறிந்­து­கொள்­வ­தற்­காக பொத்­தானை ஆராய்ச்சி மரைக்கார் தைக்கா பள்­ளி­வாசல் நிரு­வாகக் குழுவிடம் நேரில் சென்­ற­ு, பல்­வேறு தக­வல்­க­ளையும் பெறக்­கூ­டி­ய­தா­க இருந்­தது.

பொத்­தானை தொடர்­பாக 78 வய­து­டைய எம்.எஸ்.ஆதம்­லெப்பை என்­பவர் கூறு­கையில், தனது தந்­தை­யு­டைய மாமா “ஆராய்ச்சி மரைக்கார்” என்­ப­வர் பொத்­தானை கிரா­மத்தில் காடு வெட்டி நிலங்­களை துப்­ப­ரவு செய்யும் போதே மேற்­படி ஸியா­ரத்­தினை அடை­யாளம் கண்­ட­தா­கவும், அதன் பின்­னரே அவ்­வி­டத்தில் பள்­ளி­வா­சலை நிறுவி வணக்க வழி­பா­டு­களை மேற்­கொண்­ட­தாவும் தெரி­விக்­கின்றார்.

அதன் பிற்­பாடு தனது தந்தை அவ்­வி­டத்­தினை பரா­பரித்­தார். பிற்­பட்ட காலத்தில் பராபரிப்புச் செய்­தவர் கண்­ணாடிப் பரி­சா­ரி­யாவார். இவர் மர­ணிக்கும் போது வயது 102ஆகும். கண்­ணாடிப் பரி­சாரி மர­ணித்து வெறும் 22 நாட்­க­ளே­யாகும் என்றார். அவர் தன்­னு­டைய  ஆயுளின் பெரும்­பா­லான பகு­தியை பொத்­தானை ஆராய்ச்சி மரைக்கார் தைக்­கா­விலே தான் செல­விட்­டுள்­ள­தா­கவும் குறிப்­பி­டு­கின்றார். 

இவ்­வாறு மிக நீண்ட வர­லாற்றைக் கொண்ட பொத்­தானை பள்­ளி­வா­ச­லினை சுற்றிக் கடந்த டிசம்பர் மாதம் (07) ஏழாம் திகதி தொல்­பொருள் திணைக்­களம் எல்லைக் கற்­களை இட்­டி­ருப்­ப­தா­னது, மதக் கட­மை­களை நிறை­வேற்­று­வ­தற்கு தடை­வி­திப்­ப­துடன், முஸ்­லிம்­களின் பூர்­வீக வர­லா­று­களை மெல்லச் சூறை­யாடும் செயற்­பா­டா­கவே கரு­த­வேண்­டி­யுள்­ளது என்­கின்றார் ஆதம்­லெப்பை.

மேலும் இது தொடர்பில், பொத்­தானை ஆராய்ச்சி மரைக்கார் தைக்கா பள்­ளி­வா­சலின் பரி­பால சபைத் தலைவர் ஏ.எம்.ஜுனைதீன் தெரி­விக்­கையில், இவ்­வி­ட­மா­னது நாங்கள் எமது மதக் கட­மையை மிக அழ­கா­கவும், அமை­தி­யா­கவும் மேற்­கொண்டு வந்த இடம், இறை திருப்­தியை நாடி இப்­பி­ராந்­தி­யத்­தி­லுள்ள மக்கள் நிறை­யவே வந்­து­போ­கின்ற இடங்­களில் இதுவும் ஒன்று. எமக்கு தெரிந்த காலங்­களில் இருந்து இவ்­விடம் எவ்­வித பிரச்­சி­னை­களும் இன்றி காணப்­ப­டு­கின்­றது. இப்­பள்­ளி­வா­ச­லினைச் சுற்றி இரண்­டா­யி­ரத்­துக்கும் அதி­க­மான ஏக்கர் வயல் நிலங்கள் காணப்­ப­டு­கின்­றன.

வயல் வேலை நிமித்தம் வரு­கின்­ற­வர்கள் தொழு­வ­தற்கும், நேர்ச்சை மற்றும் இதர கட­மை­க­ளுக்கும் இருக்­கின்ற ஒரே ஒரு இடம் பொத்­தானை ஆராய்ச்சி மரைக்கார் தைக்கா மாத்­தி­ரமே. 

கடந்த டிசம்பர் மாதம் ஏழாம் திகதி தொல் பொருள் திணைக்­க­ளத்­தி­னரால் இத் தைக்­கா­வினைச் சுற்றி பன்­னி­ரெண்டு எல்லைக் கற்கள் இடப்­பட்­டுள்­ளன. கிணறு அமைப்­ப­தற்­கான முயற்­சிகள் மேற்­கொண்டோம் தடுத்­து­விட்­டார்கள். பழை­மை­யான கிணறு ஒன்று இருந்­தது. இர­வோடு இர­வாக உடைத்­து­விட்டுச் சென்­றுள்­ளனர்.

யாரென்று தெரி­யா­ம­லுள்­ளது. இவ்­வி­டயம் தொடர்­பாக எமது அர­சியற் தலை­வர்­க­ளுக்கு எடுத்துச் சொல்­லி­யுள்ளோம். ஆனால் இது­வரை நடந்­தது எது­வு­மாகத் தெரி­ய­வில்லை. தற்­போது நடந்­து­கொண்­டி­ருப்­ப­வைகள் என்­ன­வென்றே புரிந்­து­கொள்ள முடி­யா­துள்­ள­தாக தெரி­விக்­கின்றார்.

அவர் மேலும் தெரி­விக்­கையில், கடந்த 2015 ஜனா­தி­பதித் தேர்­தலில் பொது வேட்­பாளர் மைத்­தி­ரி­பால சிறி­சே­ன­வுக்கு வாக்­க­ளித்­து­விட்டு, அக்­க­ரைப்­பற்­றி­லி­ருந்து பெருந்­தி­ர­ளான மக்­க­ளுடன் வந்து, “ஸியாரம்” அமைந்­துள்ள இத் தைக்­கா­விலே, ஜனா­தி­பதி வேட்­பாளர் மைத்­தி­ரி­பால சிறி­சேன வெற்­றி­பெற வேண்­டு­மென பிரார்த்­தித்து பாற்­சோறு சமைத்து வழங்­கி­ய­தாக குறிப்­பி­டு­வ­துடன், அவ்­வா­றாக வெற்­றிக்கு பங்­க­ளிப்புச் செய்த மக்­க­ளுக்கும், அவர்­க­ளது மார்க்கக் கட­மை­க­ளுக்­குமா இந்த ஜனா­தி­பதி தடை­வி­திக்­கின்றார் என்­கின்றார் ஜுனைதீன்.

தொடர்ந்தும் தலைவர் ஏ.எம். ஜுனைதீன் குறிப்­பி­டு­கையில், தமது மார்க்கக் கட­மை­க­ளுக்கு தடை ஏற்­ப­டுத்தி, எமது வர­லாற்று சின்­னங்­களை அழிக்க எடுக்­கப்­படும் முயற்­சிக்கு வன்­மை­யாக கண்­ட­னத்தை தெரி­விப்­ப­தோடு, அவற்றை மீளப்­பெற்­றுக்­கொள்ள தமது உயி­ரைக்­கூட இழக்கத் தயார் என்­கின்றார் உணர்­வு­பூர்­வ­மான கண்ணீர் மல்­க­லுடன். 

பௌத்த அடை­யா­ளங்­களை தேடி அலை­கின்ற நிகழ்வு ஒரு­புறம் நடந்­தே­று­கின்­றது. மறு­புறம் முஸ்லிம் மக்­க­ளு­டைய பாரம்­ப­ரிய வணக்­கஸ்­த­லங்களை திட்­ட­மிட்டு தொல்­பொருள் திணைக்­களம் கப­ளீ­கரம் செய்­கின்­றது. எங்­கெல்லாம் நிலங்கள் ஆக்­கி­ர­மிப்புச் செய்­யப்­ப­டு­கின்­ற­னவோ அங்­கெல்லாம் விலா­ச­மி­டப்­ப­டு­கிறது தொல்­பொருள் திணைக்­க­ளத்­துக்குச் சொந்­த­மென்று.

முக­வ­ரி­யற்ற சிங்­கள இன­வாத அமைப்பு விடுத்த கோரிக்­கைக்கு செவி­சாய்த்து, தொல்­பொருள் திணைக்­க­ளத்தின் பலம் சேர்க்­கப்பட்டதால் இன்று பல்­வேறு சிர­மங்­க­ளுக்கு மத்­தியில் கூர­கல ஜெய்­லானி பள்­ளி­வாசல் சோபை இழந்து காணப்­ப­டு­கின்­றதும் குறிப்­பி­டத்­தக்­கது.

பொத்­தானை ஆராய்ச்சி மரைக்கார் தைக்கா பள்­ளி­வாசல் நிரு­வா­கத்­தினர் பேசி­யதில் இருந்து அவ­தா­னித்த விடயம் ஆச்­ச­ரி­ய­மிக்­கதாய் இருந்­தது. 

பொத்தானை பள்ளியைச் சுற்றி கடந்த டிசம்பர் மாதம் ஏழாம் திகதியே தொல் பொருள் திணைக்களத்தினர் எல்லைக் கற்களையிட்டுள்ளனர். இதனை அதே சூட்டோடு அகற்றுவதுக்கான முயற்சிகளில் நமது அரசியற் தலைமைகள் ஈடுபடாதுவிடுவது -தான் தாம் பிரதிநிதித்துவப்படுத்தும் சமூகத்துக்குச் செய்யும் மிகப்பெரிய துரோகமாகப் பார்க்கப்படும். 

மேற்குறிப்பிட்ட பொத்தானை பள்ளிவாசல் விவகாரத்தில் நம்மால் காட்டப்படும் மென்மை போக்கு, முஸ்லிம்கள் செறிந்து வாழும் பொத்துவில் தொடக்கம் கல்முனை வரையான  பிரதேசங்களில் தொல்பொருள் திணைக்களம் அவர்களது எல்லைக் கற்களை இடுவதற்கான சமிக்ஞையாகவே காணப்படும். அதற்கான காலம் வெகு தூரத்திலில்லை என்பது ஏற்றுக்கொள்ளவேண்டிய உண்மை.