'நீதி­மன்றில், “லகும் தீனுக்கும் வலி­யதீன்” என்­ற அல்­கு­ர்ஆன் வச­னத்­தை குறித்­துக்­காட்­டினேன்'

-MC.Najimudeen-

உத்­தேச அர­சி­ய­ல­மைப்பு விவ­கா­ரத்தில் வடக்­கையும் கிழக்கையும் மாத்­திரம் பிர­தா­னப்­ப­டுத்தி தீர்வு காண­மு­னைந்தால் முஸ்­லிம்கள் சிறு­பான்­மை­யி­ன­ருக்குள் சிறு­பான்­மை­யி­ன­ராக மாறும் அபாயம் உள்­ளது.

சிங்­களப் பெரும்­பான்மை முஸ்­லிம்­க­ளுக்கு எதி­ராக செயற்­ப­டு­கி­ற­தென்றால் அத­னைப்­போன்று தமிழ் பெரும்­பான்­மையும் முஸ்­லிம்­க­ளுக்கு எதி­ராக செயற்­ப­டாது என்­பதில் நம்­பிக்கை இல்லை. மேலும் தற்­போது சிறு­பான்­மை­யினர் பிரச்­சினை எனும்­போது தமிழ் மக்­களின் பிரச்­சி­னை­களை மாத்­தி­ரம்தான் கருத்தில் எடுக்­கின்­றனர்.

தீர்வு முயற்­சியில் முஸ்­லிம்­களின் விடயம் கருத்தில் கொள்­ளப்­ப­டு­வ­தாக இல்லை என ஜனா­தி­பதி சட்­டத்­த­ரணி எம்.யூ.எம்.அலி சப்ரி தெரி­வித்தார். விடி­வெள்­ளிக்கு வழங்­கிய செவ்­வி­யின்­போதே அவர் இதனைத் தெரி­வித்தார்.

அந்த செவ்­வியின் ஒரு பகுதி வரு­மாறு,

கேள்வி : கடும்­போக்­கு­வா­தி­களின் நெருக்­க­டி­க­ளி­லி­ருந்து முஸ்­லிம்­களைப் பாது­காப்­ப­தற்கு எவ்­வா­றான உபா­யங்­களை கையா­ளலாம்?

பதில் : உல­க­ளா­விய ரீதியில் பெரும்­பான்­மை­யி­னரும் சிறு­பான்­மை­யி­னரும் மோதிக்­கொள்­கின்ற சந்­த­ர்ப்­பங்­களில் அங்கு சிறு­பான்­மை­யி­னரே பாதிக்­கப்­ப­டு­கின்­றனர். ஆனால் பத்ர் யுத்தம் போன்ற நபி ஸல்­லல்­லா­ஹு­அ­லை­ஹி­வஸ்­ஸல்லாம் அவர்­களின் காலத்தில் நடை­பெற்ற சம்­பங்­க­ளில்தான் சிறு­பான்­மை­யி­ன­ராக இருந்த முஸ்­லிம்கள் வெற்­றி­பெற்­றனர். அப்­போது அல்­லாஹ்வின் நேரடி உதவி கிடைத்­தது. ஆனால் தற்­போது அவ்­வா­றான நிலை இல்லை. எனவே தற்­போ­தைய உலகில் இடம்­பெறும் நடை­முறைப் பிரச்­சி­னை­களை எதிர்­கொள்­வ­தற்கு நாம் தயா­ராக இருக்க வேண்டும். கடும்­போக்­கு­வா­தத்தை உரிய முறையில் இனம்­கண்டு அது தொடர்பில் அவ­தா­ன­மாக இருக்க வேண்டும். எனினும் கடும்­போக்­கு­வா­தி­களை எம்மால் திருப்­திப்­ப­டுத்த முடி­யாது. எனினும் இலங்­கை­யி­லுள்ள 95 தொடக்கம் 98 சத­வீ­த­மான பெளத்த மக்கள் கடும்­போக்­கு­வா­தத்­திற்கு எதி­ரா­ன­வர்­கள். எனவே அவ்­வா­றா­ன­வர்­களை நாம் எமது பக்கம் வைத்­துக்­கொள்ள வேண்டும். அத­னை­வி­டுத்து அவர்­க­ளையும் கடும்­போக்­கு­வாத கொள்­கை­வா­தி­களின் பக்கம் தள்­ளி­வி­டக்­கூ­டாது.

கேள்வி: தெளஹீத் ஜமாஅத் அமைப்பின் செய­லாளர் ராஸிக்­கிற்கு எதி­ராக அகில இலங்கை ஜம்­இய்­யதுல் உல­மாவின் சார்பில் தாங்கள் நீதி­மன்றில் ஆஜ­ரா­ன­தாக தெரி­விக்­கப்­ப­டு­கி­றதே.

பதில் : ஆம்... அகில இலங்கை ஜம்­இய்­யதுல் உல­மாவின் சார்பில் நீதி­மன்றில் ஆஜ­ரா­யி­ருந்தேன். ஏனெனில் 2013 ஆம் ஆண்டு காலப்­ப­கு­தியில் ஸ்ரீலங்கா தெளஹீத் ஜமா­அத்தின் செய­லாளர் ராசிக் உரை­யொன்றை ஆற்­றினார்.

அதில் பெளத்த மதம் தொடர்பில் தவ­றான கருத்­து­களை வெளி­யிட்­டி­ருந்தார். எனவே அக்­க­ருத்து தொடர்பில் பெளத்த மக்கள் மத்­தியில் கடு­மை­யான எதிர்ப்­பலை வெளி­யா­னது.  அவரின் கருத்­தினால் ஏற்­க­னவே நான் குறிப்­பிட்ட95 தொடக்கம் 98 சத­வீ­த­மான பெளத்த மக்­களும் வன்­மை­யான கண்­ட­னங்­களை வெளி­யிட்­டனர்.

மேலும் பொது­பல சேனா அமைப்பின் நட­வ­டிக்­கை­யையும் நியாயம் என கருதும் நிலைக்கும் தள்­ளப்­பட்­டனர். அது மாத்­தி­ர­மல்­லாமல் அந்த உரை தொலைக்­கட்­சி­களில் அடிக்­கடி ஒளி­ப­ரப்பு செய்­யப்­பட்­டது. மேலும் குறித்த விடயம் நீதி­மன்­றுக்கு வந்­த­போது ஸ்ரீலங்கா தெளஹீத் ஜமா­அத்தின் செய­லாளர் ராஸிக் சார்­பாக முஸ்லிம் சட்­டத்­த­ர­ணிகள் ஆஜ­ராயினர். அச்­சந்­தர்ப்­பத்தில் சுமார் 35 சிங்­கள சட்­டத்­த­ர­ணிகள் வரையில் அவ­ருக்கு எதி­ராக ஆஜ­ரா­யினர். 

 “ராஸிக் குறிப்­பிட்­டுள்ள கருத்­தா­னது அவ­ரு­டைய தனிப்­பட்ட கருத்து. எனவே முஸ்­லிம்­க­ளுக்கு எதி­ராக கிளர்ந்­துள்ள நெருக்­க­டியை நீதி­மன்­றத்­தி­னூ­டாக தடுக்­கு­மாறு” அப்­போது அகில இலங்கை ஜம்­இய்துல் உலமா சபை என்­னிடம் வேண்­டிக்­கொண்­டது.   

அவ்­வா­றான சந்­தர்ப்­பத்தில் குறித்த நெருக்­க­டி­யி­லி­ருந்து முஸ்­லிம்­களை எவ்­வாறு பாது­காப்­ப­தென்ற சிந்­த­னையில் மிகவும் இரா­ஜ­தந்­தி­ர­மான முறையில் அதனைக் கையாண்டோம்.  ஆகவே நாம் முஸ்­லிம்கள் என்ற ரீதியில் நீதி­மன்றில் ஆஜ­ராகி இஸ்லாம் எந்­த­வொரு மதத்­தையும் நிந்­திக்கும் வகையில் கருத்து வெளி­யி­டு­மாறு குறிப்­பி­ட­வில்லை என்­பதை தெரி­வித்­ததுடன் “லகும் தீனுக்கும் வலி­யதீன்” என்­கின்ற அல்­கு­ர்ஆன் வச­னத்­தையும் குறித்­துக்­காட்­டினேன்.

மேலும் ஸ்ரீலங்கா தெளஹீத் ஜமா­அத்தின் செய­லாளர் ராஸிகின் கருத்­தா­னது முஸ்லிம் சமூ­கத்தின் கருத்­தாக கொள்ள முடி­யாது. மேலும் தொலைக்­காட்­சி­களில் அவரின் உரையை மீண்டும் மீண்டும் ஒளிபரப்பாக்கி மக்கள் மத்தியில் அதிர்வலைகள் ஏற்படுத்தப்படுகின்றன. எனவே தொலைக்காட்சிகளில் குறித்த உரை ஒளிபரப்பாவதை தடுக்குமாறும் வேண்டிக்கொண்டேன். எனவே அதனைத் தொடர்ந்து குறித்த உரை ஒளிபரப்பாவது தடைசெய்யப்பட்டது.

மேலும் ஸ்ரீலங்கா தெளஹீத் ஜமாஅத்தின் செயலாளருக்கு நடவடிக்கை எடுத்ததுபோல் முஸ்லிம்களுக்கும் இஸ்லாத்திற்கும் எதிராக கருத்துக்களை வெளியிடும் பொதுபல சேனா போன்ற அமைப்புகளுக்கு எதிராகவும் நடவடிக்கைஎடுக்க வேண்டும் எனவும் கேட்டுக்கொண்டேன். ஆகவே அதன் பயனாக மூன்று மாத காலப்பகுதியில் பொதுபல சேனா அமைப்புக்கு எதிராக இரண்டு வழக்குகள் தாக்கல் செய்யப்பட்டிருந்தன.  

எனவே குறித்த வழக்கில் ஆஜரானதன் மூலம் மூன்று விதமான நன்மைகள் கிடைத்தன. குறித்த உரையின் மூலம் பெளத்த மக்கள் முஸ்லிம்கள் மீது கொண்டிருந்த தப்பபிப்பிராயம் தணிக்கப்பட்டது. அவ்வுரை தொலைக்காட்சியில் ஒளிபரப்பு செய்யப்படுவது தடுக்கப்பட்டது. மேலும் இஸ்லாத்திற்கும் முஸ்லிம்களுக்கும் எதிரான கருத்து தெரிவிப்பவர்கள் தொடர்பில் நடவடிக்கை எடுப்பதற்கும் வழிவகை செய்யப்பட்டது.

ஆகவே இவ்வாறாக நாம் எதிர்நோக்கும் பிரச்சினைகளை இராஜதந்திர ரீதியில் முன்னெடுத்து தீர்வு காண வேண்டிய தேவை எமக்குள்ளது. எனினும் சமூகத்தின் நலன் கருதி குறித்த வழக்கில் ஆஜரானதன் மூலம் எனக்கு எதிரான பிரசாரங்களும் மேற்கொள்ளப்பட்டன. இருந்தபோதிலும் அவற்றை நான் பெரிதாகக் கொள்ளவில்லை. இவ்வாறாக சமூகத்தைப் பாதுகாக்கும் விடயங்களில் தொடர்ந்தும் முன்னின்று செயற்படுவேன்.