5 வருடத்திற்கு ஒருமுறையே ஒருவர், ஹஜ் யாத்திரைக்கு செல்லலாம்

ஹஜ் கட­மையை ஏற்­க­னவே நிறை­வேற்­றிய ஒருவர் இரண்டாம் தடவை ஹஜ் கட­மையை நிறை­வேற்­று­வ­தென்றால் ஐந்து வரு­டங்கள் காத்­தி­ருக்க வேண்டும்.

இந்த நடை­மு­றையை அமுல்­ப­டுத்­து­வ­தற்கு அரச ஹஜ் குழு தீர்­மா­னித்­துள்­ளது.

குறிப்­பிட்ட மட்­டுப்­ப­டுத்­தப்­பட்ட ஹஜ் கோட்­டாவே இலங்­கைக்குக் கிடைத்து வரு­வ­தாலும், பெருந்­தொ­கை­யா­ன­வர்கள் ஹஜ் கட­மையை நிறை­வேற்­று­வ­தற்­காக விண்­ணப்­பித்­தி­ருக்­கின்­ற­மை­யுமே இதற்­கான கார­ண­மாகும்.

இவ் வரு­டத்­திற்­கான ஹஜ் பய­ணிகள் தெரிவில் முதன் முறை­யாக ஹஜ் கட­மையை நிறை­வேற்­று­வ­தற்கு விண்­ணப்­பித்­த­வர்­க­ளுக்கே முன்­னு­ரிமை வழங்­கப்­ப­ட­வுள்­ளது.

இது தொடர்பில் அரச ஹஜ் குழுவின் தலைவர் கலா­நிதி. மொஹமட் தாஹா சியாத் கருத்து தெரி­விக்­கையில், “முஸ்லிம் சமய பண்­பாட்டு அலு­வல்கள் திணைக்­க­ளத்­துக்கு இது வரை 12 ஆயிரம் ஹஜ் விண்­ணப்­பங்கள் கிடைத்­துள்­ளன. ஹஜ் பய­ணிகள் தெரிவின் போது விண்­ணப்­பிக்­கப்­பட்­டுள்ள வரி­சைக்­கி­ர­மங்கள் கவ­னத்திற் கொள்­ளப்­ப­ட­வுள்­ளன.

கடந்த வருடம் ஹஜ் கட­மையை நிறை­வேற்­றிய விண்­ணப்­ப­தா­ரிகள் நீங்­க­ளாக விண்­ணப்­பங்கள் வரி­சைக்­கி­ர­ம­மாக தெரி­விக்­குட்­ப­டுத்­தப்­படும். விண்­ணப்­ப­தா­ரி­களின் விப­ரங்கள் பரி­சீ­லி­னைக்­குட்­ப­டுத்­தப்­ப­ட­வுள்­ளன.

கடந்த வருடம் நியா­ய­மான கார­ணங்­க­ளினால் ஹஜ் கட­மையை நிறை­வேற்­று­வ­தற்கு வாய்ப்புக் கிடைக்­கா­த­வர்­க­ளுக்கும் தெரி­வின்­போது சலுகை வழங்­கப்­படும். விண்­ணப்­ப­தா­ரிகள் தமது விண்­ணப்­பங்­களை முக­வர்கள் ஊடாக அன்றி நேர­டி­யா­கவே திணைக்­க­ளத்தில் பதிவு செய்து கொள்ள வேண்டும்” என ஹஜ் குழு ஹஜ் கட­மைக்­கான விண்­ணப்­ப­தா­ரி­க­ளிடம் வேண்­டுகோள் விடுக்­­கி­றது என்றார்.

இதே வேளை கடந்த வருடம் ஹஜ் கோட்டா பகிர்வு முறைக்கு எதிராக ஹஜ் முகவர்கள் சிலரினால் உயர் நீதிமன்றத்தில் தாக்கல் செய்யப்பட்ட வழக்கு எதிர்வரும் 26ஆம் திகதி விசாரணைக்கு எடுத்துக் கொள்ளப்படவுள்ளமை குறிப்பிடத்தக்கது.

ARA.Fareel