உலக புகழ்பெற்ற 4 நட்சத்திரங்கள் இலங்கையில் முதலீடு - சுதந்திர தினத்தன்று அடிக்கல்

உலக புகழ்பெற்ற 4 நட்சத்திரங்கள் இலங்கையில் முதலீடு செய்ய முன்வந்துள்ளனர்.

இலங்கையின் பாரிய பொருளாதார திட்டமான World capital centre திட்டத்தில் முதலீடு செய்வதற்கே அவர்கள் தயாராகி வருவதாக தகவல் வெளியாகியுள்ளது.

இந்த கட்டடத்தின் நிர்மாணிப்பு பணிகள் நிறைவடைந்த பின்னர் உலகின் பாரிய மற்றும் உயரமான கட்டடங்களில் 9வது இடத்தை பிடிக்கும் என எதிர்பார்க்கப்படுகின்றது.

அந்த திட்டத்திற்காக எதிர்வரும் 4ஆம் திகதி அதாவது சுதந்திர தினத்தன்று குறித்த கட்டடத்திற்கான அடிக்கல் நாட்டப்படவுள்ளது. இந்நிலையில் 2020ஆம் ஆண்டு இந்த கட்டடத்தின் நிர்மாணிப்பு நடவடிக்கைகள் நிறைவு செய்யப்படவுள்ளன.

எதிர்வரும் சுதந்திர தினத்தன்று அடிக்கல் நாட்டும் திட்டத்தில் முதலீடு செய்ய உலக புகழ்பெற்ற நான்கு நட்சத்திரங்களும் இலங்கைக்கு வருகைத்தரவுள்ளதாக தெரிவிக்கப்படுகின்றது.

குறித்த பிரபல நட்சத்திரங்கள் யார் என்பது தொடர்பில் விரைவில் தகவல் வெளியாகும் என எதிர்பார்க்கப்படுகின்றது.