அகதிகளை வழிமறித்து, கொலைசெய்த ஈரானிய கும்பல்கள்

(Abusheik Muhammed)

இன்று -17- காலை மனித நேயப் பணியில் எலப்போவில் இருந்து புறப்பட்ட இருபது பஸ்களையும் ஈரானிய கும்பல்கள் இடையில் தடுத்து நிறுத்தினர்.

மக்கள் அனைவரையும் இறக்கி கடும் சோதனைக்கு உட்படுத்தினர். அனைவரையும் பயங்கரவாதிகள் போல் நடத்தினர் . அனைவரின் உடைமைகள் (மொபைல் அலைபேசிகள் அனைத்தும்) பறிமுதல் செய்யப்பட்டன.

படத்தில் உள்ளவாறு படுக்க வைத்து பலரது தலையில் கால்களால் மிதித்து திட்டித் தீர்த்தனர். 3 சிவிலியன்களை சுட்டுக் கொன்றனர். மேலும் 7 பேரை கைது செய்தனர். கொல்லப்பட்டவர்களுள் ஒருவரது மனைவி கர்ப்பிணியாக இருந்தார். அவரது கண் முன்னே கணவரைச் சுட்டுக் கொன்றதால் ஏற்பட்ட அசம்பாவிதத்தில் அப்பெண்ணின் கருவும் கலைந்தது.

இந்த இழுபறியில் அந்த பயணிகள் அனைவரும் புறப்பட்ட இடத்துக்கே மீண்டு வர நேர்ந்தது.

சிரியப் படைகள் அலப்போவை வெற்றி கொண்டதாக கொக்கரித்தாலும் ஈரானிய மற்றும் லெபனானிய கூலிப் படைகளே பாதையில் நிற்கின்றனர்.

மக்கள் எல்லாம் அஸதை வாழ்த்துவதாக படம் காட்டும் ப்ரெஸ் டீவி உள்ளிட்ட ஈரானிய ஊது குழல் ஊடகங்கள் இந்த மக்களிடம் ரிப்போர்ட் எடுத்தால் உண்மை நிலவரம் என்னவென்று தெரியும் .