நல்லிணக்கம் என்ற வார்த்தை, பாரதூரமான வகையில் பயன்படுத்தப்படுகிறது - மகிந்த

நல்லிணக்கம் என்ற வார்த்தை தற்போது பாரதூரமான வகையில் தவறாக பயன்படுத்தப்பட்டு வருவதாக முன்னாள் ஜனாதிபதி மகிந்த ராஜபக்ச குற்றம் சுமத்தியுள்ளார்.

காலி யட்டகல ரஜமஹா விகாரையில் இன்று நடைபெற்ற வைபவம் ஒன்றில் உரையாற்றும் போதே அவர் இதனை கூறியுள்ளார்.

பெரும்பான்மை இனத்தவர்கள் எதிர்ப்பு தெரிவிக்கும் போது, சிறுபான்மை இனத்தவர்களை அதிகமாக உபசரிப்பதால், நல்லிணக்கம் உருவாகாது.

விடுதலைப் புலிகளின் தலைவர் பிரபாகரனின் முடிவுக்கு பின்னர் நாட்டில் மீண்டும் நல்லிணக்கம் ஏற்பட்டது. பிரபாகரன் எதிர்பார்த்ததை அரசியலமைப்புச் சட்டத்தில் எழுதிக்கொடுக்க நடவடிக்கை எடுக்கப்பட்டு வருவது கவலைக்குரிய விடயம்.

16 நாடாளுமன்ற உறுப்பினர்களை கொண்டுள்ள கட்சிக்கு நாடாளுமன்றத்தில் எதிர்க்கட்சித் தலைவர் பதவி வழங்கப்பட்டுள்ளது.

6 நாடாளுமன்ற உறுப்பினர்களை கொண்டுள்ள கட்சிக்கு எதிர்க்கட்சியின் பிரதான அமைப்பாளர் பதவி வழங்கப்பட்டுள்ளது.

51 உறுப்பினர்களை கொண்ட கூட்டு எதிர்க்கட்சிக்கு நாடாளுமன்றத்தில் உரையாற்ற நேரத்தை பெற்றுக்கொள்வதிலும் சிரமம் உள்ளது எனவும் மகிந்த ராஜபக்ச கூறியுள்ளார்.