அதி விரைவாக வளரும், நகராக கொழும்பு

2016 ஆம் ஆண்டு ஆசிய பசுபிக் பிராந்தியத்தில் அதி விரைவாக வளர்ச்சியடையும் நகராக கொழும்பு நகர் தெரிவாகியுள்ளது.

இதற்கிணங்க கொழும்பு நகரம் நான்காவது இடத்தை பிடித்துள்ளதாக அதி விரைவாக வளர்ச்சியடையும் நகர சுட்டெண் தரவுகள் தெரிவிக்கின்றன.

2009ஆம் ஆண்டுக்கு பின்னர், வெளிநாட்டவர்களின் வருகை 20 சத வீதத்தால் அதிகரித்துள்ளதாக தெரிவிக்கப்பட்டுள்ளது.

மேலும், ஆசிய பசிபிக் பிராந்தியத்தில் வேகமாக வளர்ந்து வரும் நகரங்களில் ஜப்பானின் ஒசாகா நகரம் முன்னிலையில் உள்ளது.

ஒசாகா நகரிற்கு ஒரு மில்லியனுக்கு அதிகமான வெளிநாட்டவர்கள் வருகைத் தருகின்றனர் என குறிப்பிடப்பட்டுள்ளது.

இலங்கை சுற்றுலாத் துறை மூலம் ஒரு பில்லியன் ரூபா வருமானம் பெற்றுக்கொள்கின்றது என தெரிவிக்கப்பட்டுள்ளது.

இதேவேளை கொழும்பு நகரம், சுற்றுலா பயணிகளுக்கு பொழுதுபோக்கு, உணவு, தங்குமிட வசதி வழங்குவதில் குறித்த நகரங்களில் முதல் இடம்பிடித்துள்ளமை குறிப்பிடத்தக்கது.