இளநீர் மரத்தில் பணம் - கற்பிட்டி பிரதேசத்தில் பரபரப்பு

இளநீர் மரத்தில் 63 ஆயிரம் பணம் இருந்த சம்பவம் ஒன்றினால் கற்பிட்டி பிரதேசத்தில் பரபரப்பு ஏற்பட்டுள்ளது. விற்பனை நிலையம் ஒன்றில் கொள்ளையிடப்பட்ட பணமே இவ்வாறு இளநீர் மரத்தில் வைக்கப்பட்டிருந்தது.

20 அடி உயரமான இளநீர் மரம் ஒன்றில் இருந்தே இவ்வாறு பணம் மீட்கப்பட்டுள்ளது. மேலும், இந்த கொள்ளை சம்பவத்துடன் தொடர்புடைய சந்தேகநபர் கைது செய்யப்பட்டுள்ளதாகவும் தெரிவிக்கப்படுகின்றது.

கைது செய்யப்பட்டவர் மருதானை பிரதேசத்தை சேர்ந்தவர் என பொலிஸார் குறிப்பிட்டுள்ளனர். மேலும், கைது செய்யப்பட்ட சந்தேகநபர் கற்பிட்ட பகுதியில் தொழிற்சாலை ஒன்றில் பணியாற்றி வந்துள்ளதாகவும் தெரிவிக்கப்படுகின்றது.

இந்நிலையில், குறித்த நபர் நேற்று முன்தினம் விற்பனை நிலையம் ஒன்றில் 97 ஆயிரம் ரூபா பணத்தினை கொள்ளையிட்டுள்ளதாகவும், அதில் 63 ஆயிரம் பணத்தை இளநீர் மரத்தில் மறைத்து வைத்திருந்ததாகவும் பொலிஸார் தெரிவித்துள்ளனர்.

இதேவேளை, குறித்த பணத்தினை கைப்பற்றிய பொலிஸார் சந்தேகநபரை நீதிமன்றில் முன்னிலைப்படுத்துவதற்கான நடவடிக்கைகளை மேற்கொண்டுள்ளனர்.