மாளி­கா­வத்தை மைய­வா­டிக்­காணி 37 ஏக்­கரில், 26 ஏக்கர் ஆக்­கி­ர­மிப்புச் செய்­யப்­பட்­டுள்­ளது.

-ARA.Fareel-

முஸ்லிம் சமூ­கத்­துக்குச் சொந்­த­மான மாளி­கா­வத்தை மைய­வா­டிக்­காணி 37 ஏக்­கரில் 26 ஏக்கர் ஆக்­கி­ர­மிப்புச் செய்­யப்­பட்­டுள்­ளது. தற்­போது 11 ஏக்­கர்­களே எஞ்­சி­யுள்­ளன. 4,25,000 முஸ்­லிம்களுக்குரிய மைய­வா­டிக்­கா­ணியை பாது­காத்துக் கொள்ள முன்­வ­ரு­மாறு மாளி­கா­வத்தை மஸ்ஜித் சம்­மே­ளனம் முஸ்லிம் சமூ­கத்­துக்கு அழைப்பு விடுத்­துள்­ளது. 

மாளி­கா­வத்தை மைய­வா­டிக்­கா­ணியை அப­க­ரித்து நீதி­மன்ற உத்­த­ர­வையும் மீறி தனியார் நிறு­வ­ன­மொன்று 8 மாடிக் கட்டடமொன்று நிர்­மா­ணித்து வரு­கின்­றமை, மைய­வா­டிக்­கா­ணிக்கு அரு­கி­லுள்ள மின்­மாற்­றியை மைய­வாடிக் காணிக்குள் நிறு­வு­வ­தற்கு முயற்­சிகள் எடுக்­கப்­பட்­டுள்­ளமை, மாந­கர சபை­யினால் சட்ட விரோத கட்­ட­டத்­துக்கு எதி­ராக தாக்கல் செய்­யப்­பட்­டி­ருந்த வழக்கு வாபஸ் பெறப்­பட்­டமை என்­ப­ன­வற்­றக்கு எதி­ராக எதிர்­வரும் 16 ஆம் திகதி கொழும்பு மாநா­கர சபை நகர மண்டபம் முன்பாக ஏற்­பாடு செய்­யப்­பட்­டுள்ள எதிர்ப்பு ஆர்ப்­பாட்­டத்தில் கலந்து கொள்­ளு­மாறு மக்­க­ளுக்கு மாளி­கா­வத்தை மஸ்ஜித் சம்­மே­ளனம் அழைப்பு விடுத்­துள்­ளது. 

மாளி­கா­வத்தை மஸ்ஜித் சம்­மே­ளனம் இது தொடர்பில் வெளி­யிட்­டுள்ள அறிக்­கையில் மேலும் தெரி­வித்­துள்­ள­தா­வது;

மாளி­கா­வத்தை மைய­வா­டிக்­கா­ணியை பாது­காப்­ப­தற்­காக இலங்கை முஸ்லிம் மத உரி­மைகள் சங்கம் கடந்த 15 வரு­டங்­க­ளாக போராடி வரு­கி­றது. நீதி­மன்ற உத்­த­ர­வி­னையும் மீறி முன்­னைய அர­சாங்­கத்தின் உயர் பீடங்­களின் ஒத்­து­ழைப்­புடன் 8 மாடிக் கட்­டட நிர்­மாணம் பூர்த்­தி­யா­கி­யுள்­ளது. 

தற்­போது அரு­கி­லுள்ள மின்­மாற்­றியை அவ்விடத்­தி­லி­ருந்து அகற்றி மைய­வா­டிக்­கா­ணிக்கு இட­மாற்­று­வ­தற்கு நட­வ­டிக்­கைகள் முன்­னெ­டுக்­கப்­பட்­டுள்­ளன. இலங்கை முஸ்லிம் மத உரி­மைகள் சங்கம், கொழும்பு மாவட்ட பள்­ளி­வா­சல்கள் சம்­மே­ளனம் மாளி­கா­வத்தை மஸ்ஜித் சம்­மே­ளனம், இணைந்து மேற்­கொண்ட எதிர் நட­வ­டிக்­கை­யினால் இத்­திட்டம் தற்­கா­லி­க­மாக நிறுத்தி வைக்­கப்­பட்­டுள்­ளது. இச்­ச­தித்­திட்­டங்­க­ளுக்கு ஆத­ர­வாக கொழும்பு மாநா­கர சபை ஆணை­யாளர் வி.கே.ஏ.அநுர செயற்­ப­டு­வ­தோடு இலங்கை மின்­சார சபைக்கு சொந்­த­மான மின்­மாற்­றியை அவ்­வி­டத்­தி­லி­ருந்து அகற்றி மைய­வாடி காணிக்குள் நிறு­வு­வ­தற்கு அனு­ம­தியை வழங்­கி­யுள்ளார். மாந­க­ர­சபை சட்­ட­வி­ரோத கட்­ட­டத்­துக்கு எதி­ராக தொடர்ந்­தி­ருந்த வழக்­கி­னையும் வாபஸ் பெற்­றுள்ளார். 

கொழும்பு மாந­கர சபை ஆணை­யா­ள­ருக்கு எதி­ராக எதிர்­வரும் 16 ஆம் திகதி ஜும்ஆ தொழு­கைக்குப் பின்பு தெமட்ட மரத்­தடி ஜும்ஆ பள்­ளி­வா­சலில் இருந்து சென்று கொழும்பு மாநகர சபை டவுண் ஹோல் கட்டடத்துக்கு முன்னால் எதிர்ப்பு ஆர்ப்பாட்டம் ஒன்று ஏற்பாடு செய்துள்ளது.

இஸ்லாத்திற்காகவும் முஸ்லிம்களின் உரிமைக்காகவும் நடத்தப்படும் இந்த நல்ல ஆர்ப்பாட்டத்திற்கு ஜமா அத்தாராகிய உங்களது பூரண ஒத்துழைப்பை வேண்டுகிறோம் என மாளிகாவத்தை பள்ளிவாசல்கள் சம்மேளனத்தின் தலைவர் மௌலவி ஷியாம் அசார் தெரிவித்துள்ளார்.