'முஸ்லிம் சட்­டத்தை திருத்துவதில் ­சிர­மங்­கள் ஏற்பட்டது, அதனாலேயே காலதாமதம்'

-ARA.Fareel-

முஸ்லிம் விவாக, விவா­க­ரத்து சட்­டத்தில் திருத்­தங்­களை சிபா­ரிசு செய்­வ­தற்கு பல சிர­மங்­களை எதிர்­நோக்க வேண்­டி­யேற்­பட்­டது. அத­னா­லேயே இதற்குப் பல வரு­டங்­களைச் செல­விட வேண்­டி­யேற்­பட்­டது.

கால­தா­ம­தத்­திற்­கான கார­ணங்கள்  நாம் சமர்ப்­பிக்­க­வுள்ள அறிக்­கையில் குறிப்­பி­டப்­பட்­டுள்­ளது என முஸ்லிம்  விவாக, விவா­க­ரத்து சட்­டத்தில் திருத்­தங்­களை சிபா­ரிசு செய்­வ­தற்கு நிய­மிக்­கப்­பட்­டுள்ள குழுவின் தலைவர் ஓய்வு பெற்ற முன்னாள் உயர் நீதி­மன்ற நீதி­ய­ரசர் சலீம் மர்சூப் தெரி­வித்தார். 

ஓய்வு பெற்ற  நீதி­ய­ரசர் சலீம் மர்சூப் தலை­மையில் நிய­மிக்­கப்­பட்­டுள்ள  குழு முஸ்லிம்  விவாக, விவா­க­ரத்து சட்­டத்தில் திருத்­தங்­களை சிபா­ரிசு செய்­வ­தற்குப் பல  வரு­டங்கள் எடுத்­து­விட்­டன.

நான் நீதி­ய­மைச்­ச­ராக  இருந்த காலத்தில்  சிபா­ரி­சு­களை விரை­வு­ப­டுத்­தும்­படி  கோரியும் அது சாத்­தி­யப்­ப­ட­வில்லை என அமைச்சர் ரவூப் ஹக்கீம் தெரி­வித்­துள்ள கருத்து  தொடர்பில் வின­வி­ய­போதே குழுவின்  தலைவர் மேற்­கண்­ட­வாறு பதி­ல­ளித்தார்.

சலீம் மர்சூப்  தலை­மை­யி­லான  குழு 2009 ஆம் ஆண்டு அப்­போதை நீதி­ய­மைச்சர் மிலிந்த மொர­கொ­ட­வினால் நிய­மிக்­கப்­பட்­ட­தாகும். 

தொடர்ந்தும் ஓய்­வு­பெற்ற நீதி­ய­ரசர் சலீம் மர்சூப்  கருத்து  தெரி­விக்­கையில்;

முஸ்லிம் விவாக, விவா­க­ரத்து சட்­டத்தில் மேற்­கொள்ள வேண்­டிய  திருத்­தங்கள் தொடர்­பான அறிக்கை தயா­ரிக்­கப்­பட்­டு­விட்­டது. எதிர்­வரும் 27 ஆம் திகதி அறிக்­கையில் குழு உறுப்­பி­னர்­களின் கையொப்­பங்கள் பெற்­றுக்­கொள்­ளப்­படும். 

அறிக்­கையை  நீதி­ய­மைச்சர் விஜே­தாச 

ராஜபக் ஷவிடம் கைய­ளிக்கும்  திகதி இது­வரை  தீர்­மா­னிக்­கப்­ப­ட­வில்லை.  முஸ்லிம்  சமய விவ­கார மற்றும் தபால், தபால் சேவைகள் அமைச்சர் எம்.எச்.ஏ. ஹலீம் முஸ்லிம் பாரா­ளு­மன்ற உறுப்­பி­னர்கள் எமது அறிக்­கையைப் பார்­வை­யிட வேண்­டு­மென கோரி­யி­ருக்­கிறார். அறிக்கை நீதி­ய­மைச்­ச­ரிடம்  கைய­ளிக்­கப்­ப­டு­வ­தற்கு முன்பு முஸ்லிம் விவாக, விவா­க­ரத்து சட்­டத்தில்   மேற்­கொள்ள வேண்­டிய திருத்­தங்கள் பற்­றிய எமது சிபா­ரி­சு­களை பாரா­ளு­மன்ற உறுப்­பி­னர்கள் அறிந்­து­கொள்ள விரும்­பு­கி­றார்கள்.

அதனால் பாரா­ளு­மன்ற உறுப்­பி­னர்­க­ளு­ட­னான சந்­திப்பின் பின்­னரே அறிக்கை நீதி­ய­மைச்­ச­ரிடம் கைய­ளிக்­கப்­படும். 

முஸ்லிம் விவாக,விவா­க­ரத்து சட்­டத்தில் தேவை­யான திருத்­தங்­களை சிபா­ரிசு செய்­வ­தற்கு அண்­மையில் அமைச்­ச­ரவை உப­கு­ழு­வொன்று  நியமிக்கப்பட்டுள்ளமை குறிப்பிடத்தக்கதாகும்.

அமைச்சரவை உப குழுவிலுள்ள முஸ்லிம்  அமைச்சர்கள் குறிப்பிட்ட  சட்டத்தில்  மேற்கொள்ளப்படவேண்டிய திருத்தங்களை சலீம் மர்சூபின் அறிக்கையை ஆராய்ந்த பின்பே சிபாரிசு செய்யவுள்ளனர்.