பிரான்சில் தமிழ் இளைஞர், கத்தியால் குத்தப்பட்டு படுகொலை

பிரான்சில் உள்ள ஒபேவில்லியேவில் (Aubervilliers – Seine-Saint-Denis) எனும் இடத்தில் 16.10.2016 அதிகாலை  தமிழ் இளைஞர், கத்தியால் குத்தப்பட்டுப் படுகொலை செய்யப்பட்டுள்ளார். . இந்தச் சம்பவத்தில் நால்வர் கைது செய்யப்பட்டுள்ளனர்.

ஒரு வீட்டில் நடந்து கொண்டிருந்த கொண்டாட்டம் ஒன்றில், அதிகாலை மூன்று மணியளவில் முப்பதுகளின் வயதுகளில் உள்ள தமிழ்ர், கத்தியால் குத்தப்பட்டுப் படுகொலை செய்யப்பட்டுள்ளார்.

இந்தச் சம்பவத்தைத் தொடர்ந்து நான்கு சிறீலங்காச் சமூகத்தைச் சேர்ந்த நான்கு இளைஞர்கள் கைது செய்யப்பட்டுள்ளதாகக் காவற்துறையினர் தெரிவித்துள்ளனர்.

‘என்ன நடந்தது என்று இன்னமும் முழுமையான விபரங்கள் தெரியவில்லை. ஆனால் ஒரு மோதலின் முடிவிலேயே, இந்தப் படுகொலை நடந்துள்ளது, மோதல்கள் நடந்ததற்கான அடையாளங்கள் வீடுகள் எங்கும் காணப்படுகின்றன.

தொலைக்காட்சி உடைக்கப்பட்டுள்ளது, சுவர்களில் குத்து உடைவுகள் ஏற்பட்டள்ளன’ எனக் காவற்துறையினர் தெரிவித்துள்ளளனர்.

வீட்டின் கீழ் மாடியில் இருந்த ஒரு இளைஞனே, காவற்துறையினர்க்குத் தகவல் தெரிவித்துள்ளார். பொபினி நீதிமன்றத்தின் பணிப்பில், காவற்துறையினர் உடனடியாகக் கொலைக்கான விசாரணைகளை ஆரம்பித்துள்ளனர்.