முஸ்லிம் பெண்களுக்கு, அநீதி இழைக்கப்பட்டுள்ளது - மோடி

அரசியல் கட்சிகளின் வாக்கு வங்கி அரசியல் காரணமாக முஸ்லிம் பெண்களுக்கு அநீதி இழைக்கப்பட்டுள்ளது என பிரதமர் மோடி பேசினார்.

உ.பி., மாநிலம் மெஹோபா என்ற இடத்தில் நடந்த பொதுக்கூட்டத்தில் பிரதமர் மோடி பேசியதாவது: இந்த தீபாவளியில், பாதுகாப்பு படையினருக்கு மக்கள் வாழ்த்து கூற வேண்டும் என நான் கேட்டுக்கொள்கிறேன்

துயரத்தில் விவசாயிகள்:

குஜராத்தில் உள்ள பந்தல்கண்டை சேர்ந்த விவசாயிகளிடம், சொந்த ஊர்பற்றி கேட்பேன். அவர்கள் உ.பி., என்பார்கள் இதன் பிறகு அவர்களிடம் நான் கேட்க மாட்டேன்.இங்குள்ள விவசாயிகள் அநீதியை சந்திக்கின்றனர். இங்குள்ள நிலங்கள் தங்கம் உற்பத்தி செய்யும் திறன் கொண்டவை. ஆனால், இங்குள்ள விளைநிலங்களுக்கு போதிய தண்ணீர் இல்லை.நீண்ட போராட்டத்திற்கு பிறகு குஜராத்தில் தற்போது தண்ணீர் பிரச்னை இல்லை.. விவசாயிகளுக்கு போதிய தண்ணீர் அளித்தால், அவர்கள் பல சாதனைகள் செய்வார்கள். பந்தல்கண்டில் ஏராளமான இயற்கை வளங்கள் உள்ளன. இங்குள்ள வளர்ச்சியை யாராலும் தடுக்க முடியாது. பந்தல்கண்டில், தங்களது நலத்தை பற்றி சிந்திக்கும் மக்கள் உள்ளனர். அவர்கள் மக்கள் நலன் பற்றி சந்திப்பது இல்லை. பந்தல்கண்ட்டில் பல பணிகளுக்கு நிதி ஒதுக்கப்பட்டுள்ளது. ஆனால் எந்த பணியும் நடைபெறவில்லை ம.பி.,யில் உள்ள பந்தல்கண்டிற்கும், உ.பி.,யில் உள்ள பந்தல்கண்டிற்கும் ஒரே அளவு நிதி ஒதுக்கப்பட்டுள்ளது. ம.பி., பந்தல்கண்ட் வளர்ச்சி பெற்ற அளவுக்கு. இங்கு வளர்ச்சியில்லை. பந்தல்கண்ட் மக்களின் குரல் நாட்டு மக்களின் குரலாக உள்ளது. ம.பி.,யில் சொட்டுநீர் பாசன திட்டத்தை பாருங்கள். இது அங்குள்ள விவசாயிகள் வாழ்வில் மாற்றத்தை ஏற்படுத்தியுள்ளது. ஆனால், உபி., விவசாயிகளுக்கு மகிழ்ச்சியில்லை.

சொந்த நலன்:

உ.பி.,யின் எதிர்காலத்தை மாற்ற சமாஜ்வாடி, பகுஜன் சமாஜ் கட்சிகளை மக்கள் புறக்கணிக்க வேண்டும். உ.பி., அனைத்து அரசியல் விளையாட்டுகளையும் பார்த்துள்ளது. இதற்கு முடிவு கட்ட வேண்டிய நேரம் வந்து விட்டது. உ.பி.,யை வளர்ச்சி பெற்ற மாநிலமாக மாற்ற வேண்டும். சமாஜ்வாதி, பகுஜன் சமாஜ் கட்சிகள் மாறி மாறி ஆட்சி செய்தன., அவர்களது நிலை உயர்ந்ததே தவிர மக்கள் நிலை உயரவில்லை. சமாஜ்வாதியும், பகுஜன் சமாஜ் மாறி மாறி அதிகாரத்திற்காக போராடுகின்றன. இவர்களது விளையாட்டில் மக்கள் புறக்கணிக்கபடுகின்றனர்.சமாஜ்வாதியும் பகுஜன் சமாஷம் சொந்த நலனுக்காக உ.பி.,யை கொள்ளையடிக்கின்றன. யார் ஆட்சிக்கு வந்தாலும் மற்றவர் மீது நடவடிக்கை எடுப்பதில்லை.இரு கட்சிகளும் மாநிலத்தை சீரழித்துள்ளன. இதனால், அவர்களது ஆட்சியில் மாநிலம் வளர்ச்சியை எட்ட முடியாது.

அனுமதி கூடாது:

நாட்டிற்காக உயர் தியாகம் செய்த நரேஷ் குமார் பாலுக்கு எனது அஞ்சலியை தெரிவித்து கொள்கின்றேன்.என்னை உ.பி., உருவாக்கியது. நான் பட்ட கடனை அடைக்க இங்கு வந்துள்ளேன்உ.பி., மாநிலம் பல பிரதமர்களை அளித்துள்ளது. நானும் இங்கிருந்து தேர்வாகியுள்ளேன். மற்ற பிரதமர்களைவிட அதிகமாக மாநிலத்திற்கு உழைக்க உள்ளேன். மாநிலத்தில் வளர்ச்சியை ஏற்படுத்தும் அரசு அமைக்க மக்கள் வாய்ப்பு தர வேண்டும். உ.பி., நிலம் தனது தாய். நமது தாய் ஏமாற இனிமேலும் அனுமதிக்க கூடாது. எனது இளைய நண்பர்கள் உங்களது எதிர்காலத்தை பற்றி சந்திக்க வேண்டும். உங்களுக்கான நேரம் வரும் போது, வளர்ச்சிக்கு எது நல்லது என சிந்திக்க வேண்டும்.

சம உரிமை:

டிரிப்பிள் தலாக் விவகாரத்தை அரசியலாக்கக்கூடாது. பெண்களுக்கு சம உரிமை அளிப்பது குறித்து உரிய நடவடிக்கை எடுக்கும். முஸ்லிம் பெண்களுக்கு சம உரிமை வழங்கப்பட வேண்டும். டிவி விவாதத்தில் கலந்து கொள்பவர்கள். பெண்களின் உரிமையை, முஸ்லிம் இந்து பிரச்னையாக மாற்றக்கூடாது. 21ம் நூற்றாண்டில், வாங்கு வங்கி அரசியல் காரணமாக, சில அரசியல் கட்சிகள் முஸ்லிம் பெண்களுக்கு அநீதி இழைத்துள்ளன. இம்முறை உ.பி., மக்கள் மாநிலத்திற்காக ஓட்டு போட வேண்டும். இதனை மக்கள் முடிவு செய்வார்கள் என்பது டில்லிக்கு தெரியும் எனக்கூறினார்.