40 இலட்சத்துக்கும் மேற்பட்ட மக்களுக்கு, இந்த ஆட்சி மீது வெறுப்பு ஏற்பட்டுள்ளது

 சுமார் 40 இலட்சத்துக்கும் மேற்பட்ட மக்களுக்கு இந்த ஆட்சி மீது வெறுப்பு ஏற்பட்டுள்ளதாக கூட்டு எதிர்க்கட்சி தெரிவித்துள்ளது.

எனவே, குற்றங்கள் குறைந்த அரசாங்கம் ஒன்றை உருவாக்கப் போவதாக கூட்டு எதிர்க்கட்சியின் பாராளுமன்ற உறுப்பினர் நிரோசன் பிரேமரத்ன தெரிவித்துள்ளார்.

மாத்தறை ஹக்மீமன பிரதேசத்தில் இன்று -04- இடம்பெற்ற மக்கள் சந்திப்பின் பேதே அவர் இதனைத் தெரிவித்துள்ளார்.

இந்த மக்கள் சந்திப்பில் கலந்துகொண்டு உரையாற்றிய பாராளுமன்ற உறுப்பினர் மஹிந்தானந்த அளுத்கமகே, தகரம் நல்ல சூடக இருக்கின்ற நிலையில் அதில் ரொட்டி சுடுவது மாத்திரம் இந்த அரசாங்கத்தின் வேலை என கூறியுள்ளார்.

எவ்வாறாயினும், நாட்டை காட்டிக்கொடுக்கும் வேகத்தை பார்த்தால் நாங்கள் அனைவரும் நாட்டை விட்டு ஓட தோன்றுவதாகவும் கூட்டு எதிர்க்கட்சியினர் தெரிவித்துள்ளனர்.

இதேவேளை, இந்த மக்கள் சந்திப்பில் பாராளுமன்ற உறுப்பினர் டலஸ் அழகப்பெரும உள்ளிட்ட பலர் கலந்துகொண்டமை குறிப்பிடத்தக்கது.