பக்தாதி என்ற பயங்கரவாதியின், முன்னாள் மனைவியின் வாக்குமூலம்

இஸ்லாமிய தேசம் (ஐ.எஸ்.) என்று அழைத்துக் கொள்ளும் குழுவின் தலைவரும் உலகில் தேடப்படும் முதன்மை  பயங்கரவாதியுமான அபூ பக்கர் அல் பக்தாதியின் முன்னாள் மனைவி சஜா அல் துலைமி, ‘அவர் ஒரு சாதாரண மனிதன்’ என்று குறிப்பிட்டுள்ளார். எனினும் பக்தாதி பற்றி விபரிக்கும்போது, மூன்று புதிரான மனிதர்கள் பற்றி அவர் குறிப்பிட்டுள்ளார்.

கடந்த 2008 ஆம் ஆண்டு பயங்கரவாதி பக்தாதியுடன் சிறிது காலம் குடும்பம் நடத்திய துலைமி, அவரது மகளுக்கும் தாயாக உள்ளார். எனக்கு தெரிந்த மனிதரான ஹிஷாம் முஹமது, “ஒரு சாதாரண நபர்” மற்றும் “பல்கலைக்கழக விரிவுரையாளர்.” குழந்தைகளிடம் அன்பு காட்டும் சாதாரண குடும்பத் தலைவராக இருந்தார்.

லெபனானில் இருக்கும் துலைமி முதல் முறை சுவீடன் பத்திரிகை ஒன்றுக்கு பேட்டிய அளித்தபோதே இந்த தகவலை குறிப்பிட்டார்.

பின்னர் ஹிஷாம் முஹமது ‘புதரானவராக’ இருந்தார். தனது கடந்த காலம் பற்றி அரிதாகவே பேசுவார். சில நாட்கள் திடீரென்று காணமல்போய்விடுவார். அப்போது தனது சகோதரரை சந்திக்கச் சென்றதாக குறிப்பிடுவார்.

தொடர்ந்து லெபனான் அதிகாரிகள் தனக்கு காட்டிய புகைப்படத்தில் இருந்தவர் பற்றி துலைமி விபரித்துள்ளார். “அவர்கள் எனக்கு எனது முன்னாள் கணவரின் புகைப்படங்களை காட்டி இவரை தெரியுமா என்று கேட்டார்கள்.”

அவர் மேலும் கூறும்போது, “அப்போதே நான் அபூ பக்கர் அல் பக்தாதியை திருமணம் முடித்தது தெரியும்” என்கிறார் துலைமி.

துலைமி லெபனானுக்குள் சட்டவிரோதமாக நுழைந்த குற்றச்சாட்டில் 2014இல் கைதுசெய்யப்பட்டபோதே லெபனான் நிர்வாகம் அவரிடம் பக்தாதி பற்றி விசாரணை நடத்தியிருந்தது. லெபனான் அரசு அல் கொய்தா அமைப்புடன் செய்து கொண்ட கைதிகள் பரிமாற்ற உடன்படிக்கைக்கு அமையவே 28 வயதான துலைமியை ஓர் ஆண்டு கழித்து விடுவித்தது.

சிரியா மற்றும் ஈராக்கில் கணிசமான பகுதிகளை கைப்பற்றிய ஐ.எஸ். சுயமாக கிலாபத் ஒன்றை அறிவித்து அதன் கலீபாவாக பக்தாதி தன்னைத் தானே அறிவித்துக் கொண்டார் என்பது குறிப்பிடத்தக்கது.

தனது முதல் கணவர் மரணித்ததை அடுத்து இரட்டை குழந்தைகளுடன் இருந்த துலைமி 2008 ஆம் ஆண்டு பக்தாதியை திருமணம் முடித்தபோதும் ஏழு மாதங்களின் பின்னர் அவரை விட்டு விலகியுள்ளார்.

“நான் அவரை விரும்பவில்லை. அவர் புரிந்துகொள்ள முடியாதவராக இருந்தார். அவரிடன் சாதாரணமான உரையாட முடியாது. எப்போதும் ஏதோ ஒரு விடயத்தைப் பற்றி கேட்பார். அவர் உத்தரவுகள் விடுப்பதை தவிர வேறு எதுவும் கூறமாட்டார்” என்றும் பக்தாதி பற்றி அவர் குறிப்பிட்டுள்ளார்.