ஐரோப்பாவில் நட்சத்திரமான சிரியா அகதி

-BBC-

சமுகவலைதளங்களில் நட்சத்திரமாக வலம்வரும் சிரிய அகதியான மஹ்மூத் பிட்டார் தொகுத்து அளிக்கும் அரபு மொழி விவாத நிகழ்ச்சி ஒன்று ஸ்வீடன் வானொலியில் -01-நேற்று ஆரம்பமாகியது.

அரேபிய மொழி பேசுபவர்களுக்கு உதவுவதை இந்த நிகழ்ச்சி நோக்காக கொண்டுள்ளது

அண்மையில் ஸ்வீடனுக்கு வந்த அகதிகள் உள்பட அந்நாட்டில் உள்ள அரபு மொழி பேசும் மக்களுக்கு உதவுவதை இந்த நிகழ்ச்சி இலக்காகக் கொண்டுள்ளது.

ஸ்வீடன் தேசிய ஒலிபரப்பு சேவைகளில் ஒன்றான P2 சேவையில் இந்நிகழ்ச்சி ஒலிபரப்பாகிறது.

சிரியாவிலிருந்து தான் மேற்கொண்ட பயணத்தை யூ ட்யூபில் ஆவணப்படுத்தியதன் மூலம் பிரபலமடைந்த அலப்போவை சேர்ந்த அகதியான முஹமட் பிட்டார், மற்றொருவருடன் இணைந்து இந்த நிகழ்ச்சியை வழங்குகிறார்.