அம்பாந்தோட்டையில் இலங்கையர்களுடன் சீனர்கள் மோதல் - 7 பேர் காயம்

அம்பாந்தோட்டை மிரிஜ்ஜவில பிரதேசத்தில் நிர்மாணப் பணிகளில் ஈடுபட்டிருந்த இலங்கை மற்றும் சீன பணியாளர்கள் இடையில் இன்று ஏற்பட்ட மோதலில் 7 பேர் காயமடைந்துள்ளனர்.

மிரிஜ்ஜவில் பிரதேசத்தில் ஹொட்டல் ஒன்றின் நிர்மாணிப்பு பணிகளில் ஈடுபட்டிருக்கும் ஒப்பந்த நிறுவனத்திற்கு கீழ் பணிபுரியும் ஊழியர்கள் இடையே இந்த மோதல் ஏற்பட்டுள்ளது.

இலங்கை ஊழியருக்கும், சீன ஊழியருக்கும் இடையில் முதலில் மோதல் ஏற்பட்டுள்ளதுடன் பின்னர், ஏனையோரும் அதில் தலையிட்டுள்ளனர்.

சம்பவத்தில் 5 சீனர்களும் இரண்டு இலங்கையர்களும் காயமடைந்துள்ளனர். இவர்கள் சிகிச்சைக்காக அம்பாந்தோட்டை வைத்தியசாலையில் அனுமதிக்கப்பட்டுள்ளனர்.

சம்பவம் குறித்து அம்பாந்தோட்டை பொலிஸார் விசாரணைகளை மேற்கொண்டு வருகின்றனர்.