பிரபல பாடசாலைகளுக்கிடையில் கிரிக்கெட் - மாணவர்களை பீடிக்கும் பியர், கண்டுகொள்ளாத பெற்றோர்
பிரபல பாடசாலைகளுக்கிடையில் நடைபெறும் மாபெரும் கிரிக்.ெகட் போட்டியின்போது ('பிக் மெட்ச்') ஆயிரக்கணக்கான பாடசாலை மாணவர்கள் பியர் பாவனைக்கு உட்படுவதாக ஆய்வின் மூலம் தெரியவந்துள்ளதாக டாக்டர் அசங்க விஜேரத்ன தெரிவித்தார்.
பிரபல பாடசாலைகளுக்கிடையிலான மாபெரும் கிரிக்கெட் போட்டி (பிக் மெட்ச்) மார்ச் மாதம் நடைபெறுகிறது. எனவே, குறித்த காலப்பகுதியில் பாடசாலை மாணவக் குழுக்களுக்கிடையில் மோதல் இடம்பெறுவதும் குறிப்பிடத்தக்கது. அத்துடன், குறித்த கிரிக்கெட் போட்டியின் போது கொழும்பிலுள்ள பிரபல பாடசாலை மாணவர்கள் மகளிர் கல்லூரி ஒன்றிற்குள் அத்துமீறி நுழைய முற்பட்டபோது கடந்த மூன்றாம் திகதி பொலிஸாரினால் கைது செய்யபட்டமையும் குறிப்பிடத்தக்கது.
மாணவர்கள் ஏனைய மதுபானம் உட்கொள்வதை பெற்றோர் அங்கீகரிக்காத போதும் பியர் பாவனையினை கண்டுகொள்வதில்லை. எனினும், பியர் பாவனையே ஏனைய மதுப்பழக்கங்களுக்கு அடித்தளம் என்பதை பெற்றோர்கள் உணர்ந்து மாணவர்களின் இந்நடவடிக்கை தொடர்பில் கவனம் செலுத்த வேண்டும் எனவும் டாக்டர் அசங்க விஜேரத்ன மேலும் தெரிவித்தார்.
Post a Comment