சவூதி அரேபியா, என்ற நாட்டை உருவாக்கியது யார்...?

 (இது JAFFNA MUSLIM இணையத்தின் சொந்த கருத்தல்ல. குறித்த கட்டுரையாளரின் கருத்துக்களே)

-Musthafa Ansar-

சவூதி அரேபியா என்ற நாடு திடீரென்று உருவாகவில்லை. முதலாம் உலக யுத்தம் வரை இஸ்லாமிய கிலாபத் நிலைத்திருந்தது. கிலாபத்தை சிதைத்து இஸ்ரேலை உருவாக்கியவர்கள் தான் சவூதி அரேபியாவையும் உருவாக்கினார்கள்.

இஸ்ரேலை பாதுகாக்க வேண்டுமென்றால் முஸ்லிம் உலகம் மீண்டும் ஒன்றுபடுவதை தடுக்க வேண்டும். இஸ்லாத்தை கொச்சைப்படுத்த வேண்டும். இந்த வேலையை செய்வதற்கு அவர்களுக்கு கிடைத்த ஆயுதம் தான் வஹாபிஷம். சவூத் குடும்பத்தின் அனுசரணையில் வஹாபிசம் வளர்க்கப்பட்டது. கிலாபத்துக்கெதிராக கிளர்ச்சி செய்வதற்கு வஹாபிசம் உந்து சக்தியாக அமைந்தது.

சவூதி அரேபியா உருவாக்கப்பட்டதில் இருந்து இன்றுவரை பிரித்தானிய அல்லது ஏகாதிபத்திய எஜமானர்களுக்கு சேவகம் செய்வது ஒன்றும் இரகசியம் அல்ல.

இன்று உலகில் பெரிதாகப் காட்டப்படும் "இஸ்லாமிய" தீவிரவாதத்துக்கு இஸ்லாம் காரணமல்ல வஹாபிசமே காரணம்.

உலகில் எங்கு தீவிரவாத? தாக்குதல் நடத்தப்பட்டாலும் அதன் எதிரொலியாக ஏற்கனவே திட்டமிட்டவாறு இஸ்லாத்தின் மீது பழி சுமத்தப்படும்.

Belgium Brussels நகரில் நேற்று மேற்கொள்ளப்பட்ட தாக்குதலின் பின்னர் ‪#‎StopIslam‬ என்ற கோசம் சமூக வலைத்தளங்களில் பரப்பப்படுகின்றது.

"இஸ்லாம்" "ஷரீஆ" "கிலாபத்" "ஜிஹாத்"என்று யார் பேசினாலும் அவர் தீவிரவாதியாக, சர்வாதிகாரியாக முத்திரை குத்தப்படுகிறார்.

ஷ்ரீஅத்தை முழுமையாக அமுல்படுத்துவதை இலக்காகக் கொண்ட இஸ்லாமிய அரசியல் கட்சிகள் இராணுவப் புரட்சியால் ஆட்சி கவிழ்க்க்கப்படுகின்றன. அந்த ஆட்சி கவிழ்ப்புகளுக்கு அனுசரணை வழங்குவது யார்?

வேறு யாரும் அல்ல அதே ஷரீஅத் அமுலில் உள்ளதாக கூறப்படும் சவூதி அரேபியாவும் அதன் கூட்டாளி குட்டி அரபு இராச்சியங்கலுமே என்பது அனைவரும் அறிந்த உண்மை.

இந்த உண்மையை முஸ்லிம்கள் புரிந்துகொள்வதோடு, உலகுக்கு உரத்துச்சொல்லவும் வேண்டும்.