முஸ்லிம் மாணவனை முழந்தாளிட்டு வணங்குமாறு, பாடசாலையில் வற்புறுத்தல்

பௌத்த மத பாட­சா­லையில் பயிலும்  முஸ்லிம்  மாணவன்  ஒருவன் தினமும் காலை மத நிகழ்வின்  போது பெளத்த­ ம­த­குரு  ஒரு­வ­ரையும், ஆசி­ரி­யர்­க­ளையும் முழந்­தா­ளிட்டு வணங்­கு­மாறு கட்­டா­யப்­ப­டுத்­தப்­பட்டு வரு­வ­தாக மாண­வனின் பெற்­றோ­ரினால் மனித உரிமை ஆணைக்­கு­ழுவில் செய்­யப்­பட்ட முறைப்­பாடு தொடர்­பான  விசா­ரணை நேற்­றுக்­ ஆணைக்­கு­ழுவில் இடம்­பெற்­றது. 

கள­னிய ஸ்ரீ ராஹுல வித்­தி­யா­ல­யத்தில் இவ்­வாறு தனது மகன் பெளத்த குரு­வையும், ஆசி­ரி­யர்­க­ளையும் வணங்­கு­மாறு கட்­டா­யப்­ப­டுத்­தப்­ப­டு­வ­தாக  பாட­சா­லையில் முதலாம் தரத்தில் பயிலும்  வத்­தளை, ஹுணுப்­பிட்­டி­யவைச் சேர்ந்த மாணவனின் பெற்­றோர்­க­ளி­னாலே மனித உரிமை ஆணைக்­கு­ழுவில் முறைப்­பாடு செய்­யப்­பட்­டி­ருந்­தது. பாட­சா­லையின் அதி­ப­ருக்கு எதி­ராக இந்த முறைப்­பாடு செய்­யப்­பட்­டி­ருந்­தமை குறிப்­பி­டத்­தக்­கது. 

மகன் முஸ்லிம் என்­பதால் இவ்­வாறு வணங்­கு­மாறு கட்­டா­யப்­ப­டுத்­து­வது இஸ்­லாத்­துக்கு எதி­ரா­ன­தாகும் எனவும் பெற்றோர் தெரி­வித்­தனர். 

பாட­சா­லையின்  தரப்பில் ஆஜ­ரா­கி­யி­ருந்த  அதிபர் இவ்­வாறு முஸ்லிம் மாணவன் பெளத்த  மத­கு­ரு­வையும் ஆசி­ரி­யர்­க­ளையும்  வணங்­கு­மாறு உத்­த­ர­வி­டப்­ப­டு­வது  உண்மை என்­பதை  ஏற்­றுக்­கொண்டார் என்­றாலும்  இது பாட­சா­லையில் பின்­பற்­றி­வரும் நடை­முறை என்­பதால் இதனை மாற்றிக் கொள்ள முடி­யாது என்றும் தெரி­வித்தார். 

இரு­த­ரப்­பி­ன­ரையும் விசா­ரித்த மனித உரிமை ஆணைக்­குழு ஒரு தீர்­மா­னத்தை எட்ட முடி­யாத நிலையில் எதிர்­வரும் 14  நாட்­க­ளுக்குள் இரு­த­ரப்­பி­ன­ரி­டமும் சம்­பவம் தொடர்­பான எழுத்து மூல விளக்­கங்­களைக் கோரி­யுள்­ளது. 

பாட­சா­லையின் தரப்பில் அதிபர் பிரி­வுக்குப் பொறுப்பான ஆசிரியர் மற்றும் வகுப்பு  ஆசிரியர் என்போர் ஆஜராகியிருந்தனர்.

பெற்றோர் தரப்பில் RRT அமைப்பின் சட்டத்தரணிகள்  சிராஸ் நூர்தீன், சைனாஸ் மொஹமட் ஆகியோர் ஆஜராகியிருந்தனர். 

 ARA.Fareel