"ஸ்ட்ரீட் வியூ" வும் யதார்த்தங்களும்..!!

 

-Mohamed Nizous-

மாப்பிள்ளை பெண்ணும்
மேப்பில தேடலாம்.
கேப்பில ஆடியதும்
மேப்பில மாட்டலாம்

சீதனம் வீடு
ஆதனம் காரு
யாதும் இதிலே
யாவரும் தேடலாம்

திருடி ஓட
தேவை வழிகளை
த்ரிடீ மேப்பில்
தெளிவாய்த் தேடலாம்

எட்டிப் பார்த்தவர்
இப்ப போணில்
தட்டிப் பார்க்கலாம்
திட்டு வாங்காமல்

பெஷனாய் உடுத்து
பில்டப் கொடுக்கும்
பசங்க சிலபேர்
பழைய சாரணும்
கசங்கிய பெனியனும்
கன்றாவி பாரடா

கொடியில உடுப்பு
அடியில வாளி
படியில செருப்பு
பக்கத்தில பம்பஸ்
முடியல சிலரின்
முன் வாசல் கோலம்

அடிக்கடி நடக்கும்
அகல வீதிகளை
சொடுக்கிப் பார்க்கிறார்
ஸூம் பண்ணிப் பார்க்கிறார்
கடுப்பாய் ஏசுறார்
காணல்ல தன் போட்டோவ.

ஆக்கள்ட போட்டோவ
அசிங்கமாய்ப் பிடித்து
கூக்கிள்ள போட்டதற்கு
கொதிக்கும் போராளியே
குசினிக்குள் வந்தா
கூகிள் எடுத்தான்?

உண்மையில் இந்த
உயர் தொழி நுட்பத்தில்
நன்மையே அதிகம்
நாம் அதை உணர்வோம்