தவ்ஹீத் ஜமாத் விவகாரத்தில், பொலிஸ் பொறுப்பதிகாரி கப்பார் அத்துமீறினாரா..?

கடந்த 19.02.2016ன் போது சாய்ந்தமருது கடற்கரை வீதியில் அமைந்துள்ள ஸ்ரீ.ல.த. ஜமாஅத்தினரின் பள்ளிவாசலில் (மர்கஸ்) மார்க்க சொற்பொழிவு நடைபெற்றுக் கொண்டிருக்கும்போது தீடிரென்று கல்முனை பொலீஸார் அத்துமீறினா்.

குறித்த தினத்தில் மாலை 5.00 மணிமுதல் பள்ளிவாசலில் மார்க்க சொற்பொாழிவொன்றை ஏற்பாடு செய்திருந்த வேளை கல்முனை நிலைய பொறுப்பதிகாரியான கப்பார் (C.I) அவர்களின் தலைமையில் சில பொலீஸ் உத்தியோகத்தர்கள் திடீரென்று பள்ளிவாசல் காணியில் அத்துமீறி அங்கிருந்த பொருட்களைான சவுன்ட் பொக்ஸ், ஸ்டான்ட் போன்ற பெறுமதியான பொருட்களை அடித்து சேதப்படுத்தி, மார்க்க சொற்பொழிவை கேட்டுக் கொண்டிருந்த மக்களுக்கு பீதியை உண்டாக்கும் வகையில் நடந்து கொண்டமை குறிப்பிடத்தக்கது. 

அத்தோடு பள்ளிவாசலுக்குள் (மர்கஸ்) சப்பாத்து காலுடன் உள்நுழைய எத்தனித்த திரு.கப்பார் என்ற பொலீஸ் உத்தியோகத்தரை சப்பாத்து காலுடன் உள்நுழைய வேண்டாம் எனவும், சப்பாத்தை கழற்றிவிட்டு வருமாறும் வேண்டப்பட்டார். எதையுமே கண்டுகொள்ளாத குறித்த அதிகாரியானவர் உள்நுழைய எத்தினித்த போதே அங்கிருந்த பொது மக்களால் தடுக்கப்பட்டார். 

பின்னர் ஆத்திரமடைந்தவர் அங்கிருந்த மக்கள் சிலபேருக்கு அடித்து வைத்தியசாலைக்கு செல்லுமளவு காயபடுத்தி வீதியில் சென்று கொண்டிருந்த மக்களின் பாதைக்கு இடையூறு விளைவித்து அதிகாரத் தொணியை பரை சாற்றினார். 

அதேநேரம் குறித்த தினத்தில் ஸ்ரீ.ல.த.ஜமாஅத்தினரின் பள்ளிவாசலுக்கு முன் வளாகத்தில் எதிர்க்கருத்துடையவர்களுக்கு பொதுக்கூட்டத்திற்கான அனுமதியை வழங்கி சமாதானக் குந்தகம் விளைவிக்கும் செயலுக்கும் வித்திட்டனர்.

அதுமட்டுமல்லாமல் மனிதநேயப் பணியான இரத்ததானத்தை 21.02.2016இல் ஸ்ரீ.ல.த.ஜமாஅத்தினா் ஏற்பாடு செய்திருந்தார்கள். இதற்காக கல்முனை ஆதார வைத்தியசாலை நாடப்பட்டிருந்தது. இந்நிகழ்வை தடுக்கும் முகமாக ஆதார வைத்தியசாலை நிர்வாகிகளை கல்முனை பொலீஸார் விரட்டி இரத்ததானம் பெற குறித்த இடத்திற்கு செல்ல வேண்டாம் எனவும் பயமுறுத்தியுள்ளார்கள். குறிப்பிட்ட இரத்ததானம் தடுக்கப்பட்டதற்கும் கல்முனை பொலீஸ் நிலைய அதிகாரிகள் காரணம் என ஆதார வைத்தியசாலையின் இரத்த வங்கி பொறுப்பாளர் Dr..ஹில்மி கூறினார். 

எனவே மதநிந்தனை, சமாதானத்திற்கு குந்தகம், பொதுமக்களை பயமுறுத்தல், வைத்திய நிர்வாகத்தை அச்சப்படுத்தல், அடாவடித்தனம், சட்டவிரோத போக்கு போன்ற பல குற்றச்சாட்டுக்களுக்கு எதிராக கடுமையான நடவடிக்கை எடுக்கப்பட்டுக்கொண்டு வருகின்றது என ஸ்ரீலங்கா தவ்ஹீத் ஜமாஅத்தின் சாய்ந்தமருது கிளை நிர்வாகிகள் தெரிவித்துக் கொண்டனர். அத்துடன் இவ்வடாவடித்தனங்களை மறைத்து தான் தப்பித் கொள்ளவே மார்க்க சொற்பொழிவில் கலந்த கொண்ட அத்தனை பேரையும் கைது செய்து வழக்கு செய்துள்ளனர் கல்முனை பொலீஸார். கைது செய்யப்பட்ட அனைவரும் பிணையில் விடுவிக்கப்பட்டுள்ளனர். இதன் அடுத்த கட்ட விசாரணை கல்முனை மன்றில் எதிர்வரும் 13.07.2016ற்கு விளக்கத்திற்காக ஒத்திவைக்கப்பட்டுள்ளதாகவும் தெரிவித்தனர்.

ஊடகப் பிரிவு - ஸ்ரீ லங்கா தவ்ஹீத் ஜமாத் (SLTJ)