வீதிக்கு வந்து, முஸ்லிம் மாணவர்கள் போராட்டம் (படங்கள்)

திருகோணமலை குச்சவெளி பிரதேசத்திலுள்ள மூன்று பாடசாலைகளைச் சேர்ந்த மாணவர்கள் இன்று (23) காலை அந்நூரியா முஸ்லிம் மஹா வித்தியாலயத்தின் பிரதான கதவினை மூடி ஆசிரியர்களை உள்ளே விடாமல் குறைபாடாக காணப்படுகின்ற ஆசிரியர்களை நியமித்து தருமாறு கூறி பகிஸ்கரிப்பில் ஈடுபட்டனர்.

கடந்த 03ம் திகதி அந்நூரியா முஸ்லிம் மஹா வித்தியாலயம் -அந்நூரியா கனிஷ்ட வித்தியாலயம் - இலந்தைக்குளம் முஸ்லிம் வித்தியாலயம் ஆகிய மூன்று பாடசாலை களைச் சேர்ந்த 1000ற்கும் மேற்பட்ட மாணவர்களும் பெற்றோர்களும் தொடர்ச்சியாக ஆர்பாட்டத்தில் ஈடுபட்டனர்.

அதனையடுத்து 10ம் திகதி கிழக்கு மாகாண கல்வி அமைச்சின் செயலாளர் திருகோணமலை வலய கல்விப்பணிப்பாளர் -குச்சவெளி பொலிஸ் பொறுப்பதிகாரி பாடசாலை அபிவிருத்தி சங்கத்தினர் கூட்டாக சேர்ந்து கலந்துரையாடலொன்றினை மேற்கொண்டனர்.