37 ஏக்கர் முஸ்லிம் மைய­வாடி, 5 ஏக்கரானதன் சோக வரலாறு

-ARA.Fareel + விடிவெள்ளி-

'மாளி­கா­வத்தை' என்றால் எம்மில் பெரும்­பா­லா­ன­வர்­க­ளுக்கு முஸ்லிம் மைய­வாடி தான் நினை­வுக்கு வரும். அது மாளி­கா­வத்­தையில் போக்­கு­வ­ரத்­துக்கு வச­தி­யான இடத்தில் அமைந்­தி­ருக்­கி­றது.  அன்று 1874 ஆம் ஆண்டு 37 ஏக்கர் 3 ரூட்  13 பர்ச்சஸ் பரப்­ப­ள­வினைக் கொண்­டி­ருந்த மாளி­கா­வத்தை மைய­வா­டிக்குச் சொந்­த­மான காணி இன்று வெறும் 5 ஏக்கர் 2 ரூட் 3.75 பர்ச்­ச­ஸாக குறுகி நிற்கிறது.

மைய­வாடி காணி­யையும் ஆக்­கி­ர­மித்துக் கொண்டு எட்டு மாடி­யையும் தாண்டி இன்று ஒரு கட்­டிடம் கம்­பீ­ர­மாக எழுந்து நிற்கிறது. மைய­வா­டியின் பழைய மதில் உடைக்­கப்­பட்டு மைய­வா­டியின் 20 அடி அக­ல­மான பகுதி உள்­வாங்­கப்­பட்டு புதிய மதி­லொன்று குறித்த நிறு­வ­னத்­தினால் நிர்­மா­ணிக்­கப்­பட்­டுள்­ளது. அதற்குச் சொந்­தக்­காரர்தான் உபாலி ஜய­சிங்க என்­ப­வ­ராவார். 

இன்று கெத்­தா­ராம பன்­சலை வீதி மற்றும் போதி­ராஜ மாவத்தை வரையில் 1874 ஆம் ஆண்டு முஸ்லிம் மைய­வா­டிக்­காக அன்­ப­ளிப்புச் செய்­யப்­பட்ட 37 ஏக்கர் 3 ரூட் 13 பர்ச் காணி அமைந்­துள்­ளது. இதில் பல வர்த்தக நிறுவனங்கள், வீடுகள், கடைகள், மஸ்­ஜிதுல் முனவ்­வரா பள்­ளி­வாசல் உட்­பட பல சொத்­துக்கள் இந்த மைய­வாடிக் காணி­யிலே அமைந்­துள்­ளன. 

இந்நிலையில் மைய­வாடிக் காணி­யையும் ஆக்­கி­ர­மித்து தற்போது நிர்­மா­ணிக்­கப்­பட்டு வரும் கட்­டிட நிர்­மா­ணத்­துக்­காக மையவாடியின் நிலம் பெகோ இயந்­தி­ரத்­தினால் அக­ழப்­பட்ட போது ஜனா­ஸாக்­களின் எச்­சங்கள் (எலும்­புகள்) வெளி­யி­லெ­டுக்­கப்­பட்­டன என்­பதை நாம் அறிந்து கொள்­ளும்­போது எமது உணர்­வுகள் மேலி­டு­கின்­றன அல்­லவா?

இந் நிலையில் மைய­வாடிக் காணி அப­க­ரிப்­புக்கு எதி­ராக நீதி­மன்ற நட­வ­டிக்­கை­களை முன்­னெ­டுப்­பதில் சமூக ஆர்­வலர் சட்­டத்­த­ரணி ருஸ்­தி­ ஹபீப் மும்­மு­ர­மாக ஈடு­பட்­டுள்ளார். 

மாளி­கா­வத்தை மையவாடிக்கு சொந்­த­மான காணி 1874 ஆம் ஆண்டு கைலெப்பே சின்­ன­லெப்பே என்­ப­வரால் உசேன் லெப்பே அப்துல் கண்டு மரிக்கார் என்­ப­வ­ருக்கு அன்­ப­ளிப்பு செய்­யப்­பட்­டது. இக் காணி கொழும்பு பெரிய பள்­ளி­வா­ச­லுக்கு அன்­ப­ளிப்புச் செய்­யப்­பட்ட போது அன்­ப­ளிப்புச் செய்­தவர் ஆரம்ப நிர்­வா­கி­யாக இருந்தார்.

கொழும்பு பெரிய பள்­ளி­வா­சலே தற்­போது மாளி­கா­வத்தை மைய­வா­டிக்குச் சொந்­த­மான காணியை நிர்­வ­கித்து வரு­கி­றது.  வக்பு சொத்­துக்­களை முறை­யாகப் பரி­பா­லிக்க வேண்­டிய எம்­ம­வர்­களின் அச­மந்தப் போக்­கினாலேயே இவ்வாறு காணிகள் கைவிட்டுப் போயுள்ளன.  மைய­வா­டிக்­காணி கடந்த காலங்­களில் பலரால் அப­க­ரிக்­கப்­பட்­டுள்­ளது. அந்தக் காலத்தில் உரிய நட­வ­டிக்கை எடுக்­கப்­ப­டா­மையே இதற்குக் கார­ண­மாகும். காலா­காலம் மைய­வா­டிக்குச் சொந்­த­மான கட்­டி­டங்கள் வாட­கைக்கு விடப்­பட்டு பின்பு கைமா­றிப்­போ­யுள்­ளது.

கெத்­தா­ராம விளை­யாட்டு மைதான அபி­வி­ருத்­திக்கும் மைய­வாடிக் காணியின் ஒரு பகுதி பெறப்­பட்­ட­மையை இங்கு குறிப்­பிட்­டாக வேண்டும். இக்­கா­ணியில் அமைந்­துள்ள கட்­டி­டங்­க­ளுக்கு பல தசாப்த கால­மாக வாட­கை­யாக ஒரு சிறு தொகையே தொடர்ந்து வழங்­கப்­பட்டு வரு­கின்­றமை குறிப்­பி­டத்­தக்­கது. மாத வாடகை இன்று கூட 100, 200 ரூபா என்று தான் வழங்­கப்­பட்டு வரு­கின்­றது என்­பதை அறிந்து கொள்­ளும்­போது வியப்­பாக இருக்­கி­ற­தல்­லவா?

மாதம் 3 இலட்சம் ரூபா வாட­கை­யாக பெற்றுக் கொள்ளக் கூடிய பெரிய கட்­டி­ட­மொன்­றுக்கு ஒரு நிறு­வனம் மாதம் வெறும் 3500 ரூபாவே வாட­கை­யாக செலுத்தி வரு­கின்­றது என்ற தகவல் உண்­மை­யிலே எம்மை வியப்­புக்குள் ஆழ்த்­து­கி­ற­தல்­லவா?

உபாலி ஜய­சிங்க என்­ப­வரால் 2003 ஆம் ஆண்டில் மைய­வா­டி­யையும் அவ­ரது காணி­யையும் வேறு­ப­டுத்தும் வகையில் கொழும்பு பெரிய பள்­ளி­வாசல் நிர்­வா­கத்­தினால் நிர்­மா­ணிக்­கப்­பட்­டி­ருந்த மதில் உடைக்­கப்­பட்­டது. இதனை மாளி­கா­வத்தை பகுதி மக்கள் தடுக்க முற்­பட்­டனர். பொலி­ஸிலும் முறை­ப்பாடு செய்­யப்­பட்­டது. இக்­கா­லத்தில் கொழும்பு மேயராக பிர­சன்ன குண­வர்த்­தன பதவி வகித்தார். 

உபாலி ஜய­சிங்க கைப்­பற்­றி­யி­ருந்த காணிக்கு உரிமை கோரி 2003 ஆம் ஆண்டு ஜூலை மாதம் 15 ஆம் திகதி கொழும்பு பெரிய பள்­ளி­வாசல் கொழும்பு மாவட்ட நீதி­மன்றில் வழக்­கொன்­றினைத் தாக்கல் செய்­தது. அந்த வழக்கு பின்பு பெரிய பள்­ளி­வாசல் நிர்­வா­கத்­தி­னாலேயே வாபஸ் பெறப்­பட்­டது. நீதி­மன்ற உத்­த­ர­வுக்­க­மைய பிர­தி­வா­திக்கு வழக்குச் செல­வாக 25 ஆயிரம் ரூபாவும் வழங்­கப்­பட்­டது.

2006 ஆம் ஆண்­டிலும் உபாலி ஜய­சிங்க மைய­வாடிக் காணியை அப­க­ரித்­துள்­ளமை தொடர்பில் நடவ­டிக்கை எடுக்­கும்­படி பொது மக்­களால் மாளி­கா­வத்தை பொலிஸில் முறைப்­பாடு செய்­யப்­பட்­டது. பொலிஸார் மாளி­கா­கந்த நீதவான் நீதி­மன்றில் வழக்குத் தாக்கல் செய்­தார்கள். மைய­வாடிக் காணி தங்­க­ளது காணி என நிரூ­பிக்­கும்­படி நீதிவான் வழக்குத் தொடு­நர்­க­ளிடம் வேண்­டினார்.  மைய­வா­டிக்­கா­ணியின் உரி­மையை நீதி­வா­னிடம் நிரூ­பிப்­ப­தற்கு அப்­போ­தி­ருந்த பெரிய பள்­ளி­வாசல் நிர்­வாகம் அக்­கறை கொள்­ள­வில்லை. அதனால் நீதி­மன்றம் வழக்­கினைத் தள்­ளு­படி செய்­தது.

இவ்­வா­றான நிலையில் 2009 ஆம் ஆண்டு கொழும்பு மாந­கர சபை உபாலி ஜய­சிங்­க­வுக்கு 8 மாடி கட்­ட­டத்தை நிர்­மா­ணிப்­ப­தற்­கான அனு­ம­தியை வழங்­கி­யது. (அப்போது மாநகர சபை முன்னாள் ஜனாதிபதி மஹிந்த ராஜபக்ஷ நியமித்த விஷேட ஆளுநரின் கீழ் இயங்கியது) ஆனால் இந்த அனு­மதி சட்­டத்­துக்கு முர­ணா­ன­தாகும். ஏனென்றால் பிர­க­டன காணி உறு­தி­யுள்ள ஒரு காணியில் கட்­டடம் நிர்­மா­ணிப்­ப­தற்கு அனு­மதி வழங்க முடி­யாது. இக்­கா­லத்தில் பாது­காப்புச் செய­லா­ள­ராக கோதா­பாய ராஜபக் ஷவே இருந்தார். இவரே நகர அபி­வி­ருத்தி அதி­கார சபையின் தலை­வ­ரா­கவும் கட­மை­யாற்­றினார்.

இவரின் சிபார்­சி­னா­லேயே கொழும்பு மாந­கர சபை இந்த கட்­டட நிர்­மா­ணத்­துக்­கான அனு­ம­தியை வழங்­கி­யது. இதற்கு எதி­ராக ஸ்ரீலங்கா முஸ்லிம் மார்க்க உரி­மை­க­ளுக்­கான அமைப்பு (SLMRRO) மேன்­மு­றை­யீட்டு நீதி­மன்றில் ரிட் விண்­ணப்­ப­மொன்­றினைத் தாக்கல் செய்­தது. அந்த விண்­ணப்­பத்தில் கட்­டட நிர்­மாணப் பணிக்­கான அனு­ம­திப்­பத்­தி­ரத்தைப் புதுப்­பிக்க வேண்டாம் எனக் கேட்­டது. இந்த வழக்கு விசா­ர­ணை­க­ளுக்கும் கொழும்பு பெரிய பள்­ளி­வாசல் நிர்­வா­கிகள் நீதி­மன்றம் செல்­லா­ததால் வழக்கு தள்­ளு­படி செய்­யப்­பட்­டது.

2013 ஆம் ஆண்டும் உபாலி ஜய­சிங்­க­வுக்கு எதி­ராக மீண்டும் ஒரு வழக்கு தாக்கல் செய்­யப்­பட்­டது. கொழும்பு பெரி­ய­பள்­ளி­வா­ச­லுக்குச் சொந்­த­மான மாளி­கா­வத்தை மைய­வாடிக் காணியில் உபாலி ஜய­சிங்க அத்துமீறிப் பிர­வே­சித்­தி­ருக்­கிறார் எனவும் அவ­ரது அத்­து­மீ­றலை அவ்­வி­டத்­தி­லி­ருந்து வெளி­யேற்ற வேண்­டு­மெனக் கோரியே இவ்­வ­ழக்கு தாக்கல் செய்­யப்­பட்­டி­ருந்­தது. எனினும் இந்த வழக்கும் தள்­ளு­படி செய்­யப்­பட்­டது.

இந்­நி­லையில் வழக்கு தள்­ளு­படி செய்­த­தற்கு எதி­ராக சிவில் மேன்­மு­றை­யீட்டு நீதி­மன்றில் மேன்­மு­றை­யீடு செய்­யப்­பட்­டது. சிவில் மேன்­மு­றை­யீட்டு நீதி­மன்றம் இவ்­வ­ழக்கை மாவட்ட நீதி­மன்றம் தள்­ளு­படி செய்­தது தவறு என தீர்ப்பு வழங்­கி­யது. இந்த வழக்கு தற்­போது நிலு­வையில் இருக்­கி­றது. 

கொழும்பு நீதிவான் நீதி­மன்றில் வழக்கு

தற்­போது உபா­லி­ ஜ­ய­சிங்­கவின் சட்டவிரோத கட்­டட நிர்­மாணப் பணி­க­ளுக்கு எதி­ராக கொழும்பு மாந­கர சபை, கொழும்பு நீதிவான் நீதி­மன்றில் வழக்­கொன்­றினைத் தாக்கல் செய்­துள்­ளது.  கொழும்பு மாந­கர சபையின் நகர பொறி­யி­ய­லாளர் திணைக்­கள (திட்­ட­மிடல்) த்தைச் சேர்ந்த சரத் லசந்த விதா­னகே என்­பவர் இந்த வழக்­கினைத் தாக்கல் செய்­துள்ளார்.

கொழும்பு மாந­கர சபை கட்­டட நிர்­மாணப் பணிக்­கான அனு­ம­தியை நிறுத்­தி­யுள்ள நிலையில் தொடர்ந்தும் நிர்­மா­ணப்­ப­ணிகள் முன்­னெ­டுக்­கப்­பட்டு வரு­வதை நிறுத்தும் படியும் கட்­ட­டத்தை உடைக்க உத்­த­ர­வி­டு­மாறும் கோரி இவ்­வ­ழக்கு தாக்கல் செய்­யப்­பட்­டுள்­ளது. நகர அபி­வி­ருத்தி அதி­கார சபையின் 28 ஏ (3)ஆம் பிரிவின் கீழ் இவ்­வ­ழக்கு தொட­ரப்­பட்­டுள்­ளது.