16 வயது மாணவன் செலுத்திவந்த மோட்டர்சைக்கிள் மோதி, 9 வயது சிறுமி மரணம்

கெக்கிராவ, கல்கிரியாகம பகுதியில் மோட்டர் சைக்கிள் மோதி 9 வயது சிறுமி ஒருவர் உயிரிழந்த சம்பவத்துடன் தொடர்புடைய சந்தேக நபர் பிணையில் விடுதலை செய்யப்பட்டுள்ளார்.

கடந்த 21ஆம் திகதி 16 வயதுடைய பாடசாலை மாணவன் செலுத்தி வந்த மோட்டர் சைக்கிள் மோதியதில் படுகாயமடைந்த 9 வயதான சிறுமி ஒருவர் வைத்தியசாலையில் அனுமதிக்கப்பட்டு, இரண்டு நாட்களின் பின்னர் உயிரிழந்துள்ளார்.

இந்த சம்பவத்துடன் தொடர்புடைய பாடசாலை மாணவனை கெக்கிராவ நீதவான் நீதிமன்றத்தில் முன்னிலைப்படுத்திய போது சந்தேகநபர் பிணையில் விடுதலை செய்யப்பட்டுள்ளார்.

இதேவேளை, சம்பவத்துடன் தொடர்புடைய பாடசாலை மாணவன் கல்கிரியாகம பொலிஸ் நிலைய அதிகாரி ஒருவரின் மகன் என்பதும் குறிப்பிடத்தக்கது.