T 20 அணித் தலைவராக மாலிங்க, உப தலைவர்களாக மெத்திவ்ஸ் + சந்திமால்

எதிர்வரும் ரி20 உலக கிண்ணம் முடியும் வரை, இலங்கை அணியின் தலைவராக லசித் மாலிங்க செயற்படுவார் என கிரிக்கெட் சபையின் தலைவர் திலங்க சுமதிபால தெரிவித்தார்.

அதன் அடிப்படையில் எதிர்வரும் பெப்ரவரி 24 ஆம் திகதி தொடக்கம் மார்ச் 06 ஆம் திகதி வரை பங்களாதேஷில் இடம்பெறவுள்ள ஆசிய கிண்ணம் மற்றும்  அதன் பின்னர் மார்ச் 08 தொடக்கம் ஏப்ரல் 03 வரை இந்தியாவில் இடம்பெறவுள்ள சர்வதேச ரி20 உலக கிண்ணம் வரை மாலிங்க அணித் தலைவராக செயற்படவுள்ளார்.

இதேவேளை ரி20 அணியின் உப தலைவர்களாக அஞ்சலோ மெத்திவ்ஸ் மற்றும் தினேஷ் சந்திமால் ஆகியோர் செயற்படவுள்ளதாக அவர் இதன்போது சுட்டிக்காட்டினார்.