பெண் Mp க்கு காதலர்தின வாழ்த்துச்சொன்ன அமைச்சர் - கோபத்துடன் வெளியேறினார்

வெலண்டைன் தினத்தில் பெண் நாடாளுமன்ற உறுப்பினருக்கு அழுத்தம் பிரயோகித்தமை தொடர்பான கேள்விக்கு கடும் கோபத்துடன் அமைச்சர் ஒருவர் செய்தியாளர் சந்திப்பிலிருந்து எழுந்து சென்றுள்ளார்.

ஸ்ரீலங்கா சுதந்திரக் கட்சியின் தலைமையகத்தில் நேற்று (17) நடைபெற்ற செய்தியாளர் சந்திப்பில் இந்தச் சம்பவம் நடைபெற்றுள்ளது.

இது தொடர்பாக மேலும் தெரியவந்துள்ளதாவது,

கடந்த வெலண்டைன் தினத்தில் சுதந்திரக் கட்சியின் சிரேஷ்ட அமைச்சர் ஒருவர் கட்சியின் பெண் நாடாளுமன்ற உறுப்பினர் ஒருவருக்கு தொலைபேசி ஊடாக வெலண்டைன் தின வாழ்த்துக்களைத் தெரிவித்துள்ளார்.

அதன் பின்னர் நீர்கொழும்பில் நடைபெற்ற முன்னாள் ஜனாதிபதி மஹிந்தவுக்கு ஆதரவான கூட்டத்தில் கலந்து கொள்ள வேண்டாம் என்றும் குறித்த பெண் நாடாளுமன்ற உறுப்பினருக்கு அழுத்தம் கொடுத்துள்ளார். இது தொடர்பான தகவல்கள் ஊடகங்களுக்கும் கசிந்திருந்தது.

சுதந்திரக்கட்சியின் நேற்றைய செய்தியாளர் சந்திப்பில் குறித்த அமைச்சரும் கலந்து கொண்டிருந்தார். அப்போது செய்தியாளர்கள் மேற்கண்ட சம்பவம் தொடர்பில் அமைச்சரிடம் கேள்வி எழுப்பினர்.

இதன் காரணமாக கோபமுற்ற அமைச்சர் செய்தியாளர் சந்திப்பிலிருந்து இடைநடுவில் எழுந்து சென்றுள்ளதாக தெரிய வந்துள்ளது.