மகிந்தவின் விசுவாசிகளை நீக்கிவிட்டு, மைத்திரியினால் புதியவர்கள் நியமனம்

ஸ்ரீ லங்கா சுதந்திரக் கட்சியின் தொகுதி அமைப்பாளர்களாகவிருந்த பலர், அப்பதவிகளிலிருந்து நீக்கப்பட்டு, புதியவர்கள் நியமிக்கப்பட்டுள்ளனர். 

அந்த வகையில், கம்பஹா தொகுதியின் அமைப்பாளராகவிருந்த நாடாளுமன்ற உறுப்பினர் பிரசன்ன ரணதுங்க, தெஹிவளை அமைப்பாளராகவிருந்த தனசிறி அமரதுங்க, கண்டியில் திலும் அமுனுகம, கொலன்னாவையில் துமிந்த சில்வா, மஹரகமையில் காந்தி கொடிகார ஆகியோரே நீக்கப்பட்டு, அவர்களின் இடத்துக்கு புதிய அமைப்பாளர்கள் நியமிக்கப்பட்டுள்ளனர். 

இந்நிலையில், புதிதாக நியமனம் பெற்ற தொகுதி அமைப்பாளர்கள், கட்சியின் பொதுச் செயலாளர் துமிந்த திசாநாயக்க மற்றும் ஜனாதிபதியின் செயலாளர் பி.பீ.அபேகோன் ஆகியோர் முன்னிலையில் ஜனாதிபதியிடமிருந்து நியமனக் கடிதங்களைப் பெற்றுக்கொண்டனர்.