மைத்திரியின் அழைப்பை, அடியோடு நிராகரித்தார் சங்கா

இலங்கை கிரிக்கெட் அணியின் முன்னாள் தலைவர் குமார் சங்கக்காரா, இங்கிலாந்து நாட்டிற்கான இலங்கையின் உயர் ஆணையர் பொறுப்பை ஏற்க மறுத்துள்ளார்.

குமார் சங்கக்காரா சர்வதேச போட்டிகளில் இருந்து ஓய்வு பெறும் போது பரிசளிப்பு விழாவில் பேசிய இலங்கை ஜனாதிபதி சிறிசேனா, சங்கக்காராவை இங்கிலாந்தின் இலங்கை தூதராக நியமிக்கவுள்ளதாக மைதானத்திலே அறிவித்திருந்தார்.

இந்நிலையில் சில தினங்களுக்கு முன் இலங்கை ஜனாதிபதி சிறிசேனாவின் பிரத்தியேக செயலாளர் பாலித பெல்போல, சங்கக்காராவை தொலைபேசியில் தொடர்பு கொண்டு இது தொடர்பாக கேட்டுள்ளார்.

ஆனால் வேலைப்பளுவினாலும் சில தனிப்பட்ட காரணங்களாலும் தன்னால் அந்த பதவியை ஏற்றுக்கொள்ள முடியாது என்று சங்கக்காரா கூறிவிட்டாராம்.