யாழ்ப்பாண ராணுவக் கட்டளைத் தளபதியாக, மேர்வின் பெரேரா நியமனம்

யாழ். மாவட்டத்துக்கான ராணுவக் கட்டளைத் தளபதியாக பிரிகேடியர் மேர்வின் பெரேரா நியமிக்கப்பட்டுள்ளதாக ராணுவத் தலைமையகம் அறிவித்துள்ளது.

யாழ்.மாவட்டத்தில் தற்போது 51வது படைப்பிரிவு நிலைகொண்டுள்ளது. கோப்பாயில் அமைந்துள்ள இதன் தலைமையகத்தில் படைப்பிரிவின் பிரதானியாகவும் , யாழ். மாவட்ட ராணுவக் கட்டளைத் தளபதியாகவும் பணியாற்றிய மேஜர் ஜெனரல் சாகி கால்லகே அண்மையில் ராணுவத் தலைமையத்துக்கு பணியிடமாற்றம் செய்யப்பட்டுள்ளார். 

புதிதாக யாழ். மாவட்ட கட்டளைத்தளபதியாக நியமனம் பெற்றுள்ள பிரிகேடியர் மேர்வின் பெரேரா, ராணுவத்தின் பொறியியல் பிரிவைச் சேர்ந்தவராவார். 

கொழும்புக்கு இடமாற்றம் செய்யப்பட்டுள்ள மேஜர் ஜெனரல் சாகி கால்லகே , தரைப்படையின் பணிப்பாளர் பதவிக்கு நியமிக்கப்பட்டுள்ளார்.