மத்­ர­ஸாவை நிரந்­த­ர­மாக மூடி­வி­டுங்கள் - சிங்களவர்கள் அடம்பிடிப்பு, முஸ்லிம்கள் மறுப்பு

 -ARA.Fareel-

பண்­டா­ர­கம ஹொரன எலு­வி­லவில் அமைந்­துள்ள மத்­ர­ஸாவின் முதலாம் மாடி நிர்­மா­ணப்­ப­ணி­களை உடன் நிறுத்­தும்­ப­டியும் மத்­ர­ஸாவை நிரந்­த­ர­மாக மூடி­வி­டும்­ப­டியும் அப்­பி­ர­தே­சத்தைச் சேர்ந்த குரு­மார்கள் உட்­பட சுமார் 200 பெரு­பான்மை இனத்­த­வர்கள் பிர­தேச செய­லா­ளரை நேற்று (17) வலி­யு­றுத்­தி­னார்கள்.

எலு­வில மத்­ர­ஸாவின் முத­லாம்­மாடி நிர்­மா­ணப்­ப­ணி­களை நிறுத்­தும்­படி குரு­மார்கள் கோரி­யுள்­ள­தா­கவும், இது எதிர்­கா­லத்தில் பள்­ளி­வா­ச­லாக மாற்­றப்­ப­டலாம் என தெரி­விக்­கப்­பட்­டுள்­ள­தா­கவும் குறிப்­பிட்டு பிர­தேச செய­லாளர் நிர்­மா­ணப்­ப­ணி­களை நிறுத்­தும்­படி மத்­ரஸா நிர்­வா­கி­க­ளுக்கு கடிதம் அனுப்­பி­யி­ருந்தார்.

ஆனால் நிர்­மாணப் பணிகள் சட்­ட­ரீ­தி­யாக அனு­ம­தி­பெற்றே முன்­னெ­டுக்­கப்­பட்­டன. பாணத்­துறை உதவிப் பொலிஸ் அத்­தி­யட்­சகர் மத்­ரஸா நிர்­வா­கி­களை நேற்று பொலி­ஸுக்கு அழைத்­தி­ருந்தார். 

அங்கு குரு­மார்கள் உட்­பட பெருந்­தொ­கை­யான பெரும்­பான்மை இனத்­த­வர்கள் பிர­சன்­ன­மா­கி­யி­ருந்­தனர்.

பிர­தேச செய­லா­ளரும் பிர­சன்­ன­மா­கி­யி­ருந்தார். கட்­டட நிர்­மா­ணத்­துக்கு அனு­மதி வழங்­கப்­பட்­டி­ருந்­த­தா­கவும் முறைப்­பாடு கிடைத்­த­தை­ய­டுத்து நிர்மாணப்பணிகள் தன்னால் நிறுத்தி வைக்­கப்­பட்­டுள்­ள­தா­கவும் அங்கு நடை­பெற்ற விசா­ர­ணையில் பிர­தேச செய­லா­ள­ரினால் தெரி­விக்­கப்­பட்­டது.

என்­றாலும் அங்கு பிர­சன்­ன­மா­கி­யி­ருந்த பெரும்­பான்மை இனத்­த­வர்கள் மத்­ரஸா நிரந்­த­ர­மாக மூடப்­பட வேண்­டு­மெ­ன­வ­லி­யு­றுத்­தினர்.

இத­னை­ய­டுத்து பாணந்­துறை பொலிஸார் பாணந்துறை நீதிவான் நீதி­மன்­றுக்கு இவ்விவகாரத்தை கையளிப்பதாக தெரிவித்தார்.

இன்று மத்ரஸா நிர்வாகிகள் நீதிமன்றில் ஆஜராகுமாறு பணிக்கப்பட்டுள்ளனர்.

மத்ரஸாவின் தரப்பில் RRT சட்டத்தரணி சப்ராஸ் ஹம்ஸா பொலிஸாருடனான கலந்துரையாடலில் கலந்து கொண்டார்.

2

பாணந்­துறை எலு­வில  அரபு மத்­ர­ஸாவின் மேல்­மாடி நிர்­மா­ணப்­ப­ணிகள் சட்ட ரீதி­யாக பிர­தேச செய­லா­ள­ரி­ட­மி­ருந்து  அனு­மதி பெற்றே  ஆரம்­பிக்­கப்­பட்­ட­தெ­னவும்  சட்ட விரோ­த­மான நிர்­மாணம் என்றால் நீதி­மன்றம் மூலம்  நட­வ­டிக்கை எடுக்கும் படி எலு­வில அரபு மத்­ர­ஸாவின் நிர்­வா­கிகள் பாணந்­து­றைக்குப் பொறுப்­பான பிரதிப் பொலிஸ் மா அதி­ப­ரிடம்  தெரி­வித்­தனர். 

எலுவில அரபு மத்­ர­சாவின்  மேல்­மாடி நிர்­மா­ணப்­ப­ணி­க­ளுக்கு அனு­மதி வழங்­கி­யி­ருந்த பண்­டா­ர­கமை பிர­தேச  செய­லாளர்  பின்பு நிர்­மாணப் பணி­களை நிறுத்­தும்­படி மத்­ரஸா நிர்­வா­கி­க­ளுக்கு உத்­த­ரவு பிறப்­பித்­தி­ருந்தார்.

 பிர­தேச செய­லாளர் மத்­ரஸா நிர்­வா­கத்­துக்கு அனுப்பி வைத்­துள்ள  கடி­தத்தில் மத்­ர­ஸாவின் மேல் மாடி நிர்­மா­ணிக்­கப்­பட்டால் எதிர்­கா­லத்தில் அது பள்­ளி­வா­ச­லாக  மாற்றம் காணும் என பெளத்த பிக்­குகள் சிலர் ஆட்­சே­பனை தெரி­வித்­துள்­ளதால் நிர்­மா­ணப்­ப­ணி­களை நிறுத்­தும்­படி உத்­த­ரவு வழங்­கி­யி­ருந்தார். 

 இவ்­வி­வ­காரம் தொடர்­பாக கடந்த செவ்­வாய்க்­கி­ழமை பாணந்­துறை  சிரேஷ்ட பொலிஸ் அத்­தி­யட்சர் அலு­வ­ல­கத்தில் மாநாடு  ஒன்று  நடாத்­தப்­பட்­டது. அதில் கலந்து கொண்ட பெரும்­பான்மை இனத்­த­வர்கள் மத்­ர­ஸாவை  மூடி­விடக் கோரி­யதால் இவ்­வி­வ­காரம்  நேற்று பாணந்­துறை  நீதிவான் நீதி­மன்­றுக்கு  பாரப்­ப­டுத்­தப்­பட்­டது. 

இவ்­வி­வ­காரம் வழக்­கொன்று தொடரும்  வகை­யி­லா­ன­தல்ல என பாணந்­துறை நீதவான் ருச்­சிர வெலி­வத்த  தெரி­வித்­த­தை­ய­டுத்து நேற்று மீண்டும் பாணந்­துறை சிரேஷ்ட  பொலிஸ் அத்­தி­யட்­சகர் காரி­யா­ல­யத்­துக்கு மத்­ரஸா நிர்­வா­கிகள்  அழைக்­கப்­பட்­டி­ருந்­தனர். 

மத்­ரஸா நிர்­வா­கி­களின் தரப்பில் R.R.T அமைப்பின் சட்­டத்­த­ர­ணிகள்  ரமீஷ் பஸீர், மைத்­திரி குண­ரத்ன என்போர் பிர­சன்­ன­மா­கி­யி­ருந்­தனர். 

எலு­வில மத்­ரஸா மேல்­மாடி நிர்­மாணப் பணி­க­ளுக்கு பண்­டா­ர­கம பிர­தேச  செய­லா­ளரின்  அனு­மதி பெறப்­பட்­டுள்­ளதால் அதனை  எவ­ராலும்  தடை­செய்ய முடி­யா­தெ­னவும்  இங்கு எவ்­வித சட்­ட­வி­ரோத நிர்­மா­ணங்களும் மேற்­கொள்­ளப்­ப­ட­வில்லை எனவும் மத்­ரஸா தரப்பில்  தெரி­விக்­கப்­பட்­டது.  

குற்றம் ஒன்று இழைக்­கப்­பட்­டி­ருந்தால் தண்­டனைச் சட்­டக்­கோ­வை­யின்­படி  வழக்குத் தொடரலாம் எனவும் தெரிவித்தனர்.

இந்த  விவகாரத்துக்கு உடனடித்  தீர்வு பெற்றுக் கொள்ளப்பட வேண்டுமெனவும் இல்லையேல் அளுத்கம மற்றும்  பேருவளையில் நடைபெற்ற சம்பவங்கள்  போன்று இங்கும் நடக்கலாம் என பொலிஸார் தெரிவித்தனர்.