முன்னாள் நீதியரசரின் பேச்சு..!

தற்போதைய அரசாங்கம் மஹிந்த ராஜபக்ஸவின் குடும்பத்தை பழிவாங்குவதாக முன்னாள் நீதியரசர் சரத்.என்.சில்வா தெரிவித்துள்ளார்.

இன்று -12- பத்தரமுல்லையில் மஹிந்த ராஜபக்ஸவின் புதிய அரசியல் கட்சியை திறந்து வைத்து உரையாடும் போதே அவர் மேற் கண்டவாறு தெரிவித்துள்ளார்.

மேலும் பிரதமர் ரணிலுக்கும். அமைச்சர் சாகலைக்கும் குழந்தைகளின் வேதனை புரிவதில்லை ஏனெனில் ஒரு குழந்தைக்கு தந்தையாகும் பாக்கியம் இவர்கள் இருவருக்கும் இல்லாததே இதற்கான காரணம் என்றும் அவர் தெரிவித்துள்ளார்.

மேலும் கைது செய்யப்பட்டு விளக்கமறியலில் வைக்கப்பட்டிருக்கும் யோஷித குற்றமற்றவர் என்றும் அவர் மீது தொடுக்கப்பட்டிருக்கும் தொலைக்காட்சி தொடர்பான குற்றச்சாட்டு பொய்யானது ஏனெனில் அந்த தொலைக்காட்சி நிறுவனத்தின் தலைவர் அவர் இல்லையென்றும் அவர் மேலும் குறிப்பிட்டுள்ளார்.