முஸ்லீம்கள் அதிர்ச்சி - "எனக்கு ஒன்றும் தெரியாது" என்கிறார் துணைவேந்தர் வசந்தி

-பாறுக் ஷிஹான்-

யாழ் பல்கலைக்கழக கலைப்பீடாதிபதியினால் தற்போது வெளியிடப்பட்டுள்ள சுற்று நிருபம் தொடர்பாக பல்கலைக்கழக துணைவேந்தர் பேராசிரியர் வசந்தி அரசரட்ணத்தை தொடர்பு கொண்டு கேட்டபோது இது குறித்து எனக்கு ஒன்றும் தெரியாது. அதனை வெளியீட்டவர்களை தான் நீங்கள் தொடர்பு கொண்டு கதைக்க வேண்டும் என தெரிவித்துள்ளார்.

இது தவிர பல்கலைக்கழக கவுன்சில் பிற்பகல் கூடியதாக மற்றுமொரு தகவல் தெரிவிக்கப்படுகின்றது. ஆயினும் இதில் என்ன முடிவுகள் எட்டப்பட்டன என இன்னும் வெளிப்படுத்தப்படவில்லை.

யாழ் பல்கலைக்கழக கலைப்பீடத்தின் இச்செயற்பாட்டை முஸ்லீம் சமூகம் வேறு நோக்கில் தான் பார்ப்பதாகவும் இந்நடவடிக்கையினால் முஸ்லீம் மாணவர்கள் அதிர்ச்சி நிலையில் உள்ளதாக தெரிவிக்கப்படுகின்றது.

இச்சுற்றுநிருபத்தை வெளியீட்டுள்ள தற்போதைய கலைப்பீடாதிபதி பேராசிரியர் ஞானகுமாரன் தனிப்பட்ட தேவை நிமிர்த்தம் கொழும்பு சென்றுள்ளதாகவும்.இதன் காரணமாக அவரை தொடர்பு கொள்ள முடியவில்லை.