இந்தச் சிறுவனுக்கு உதவுங்கள்..!

-Ashroff Shihabdeen-

இந்தப் படத்தில் உள்ள மூன்றரை வயதுச் சிறுவனான முகம்மத் அமீனுக்குச் செவிப்புலன் இல்லை. அதனால் பேசவும் முடியாது. தற்போது மாற்றுத் திறனாளிகளுக்கான சிறுவர் பாடசாலையொன்றில் கற்றுக் கொண்டிருக்கிறான்.

வைத்தியப் பரிசோதனை அறிக்கையின் படி காதுகள் கேட்குமாக இருந்தால் பேச்சுத் தானாகவே வந்துவிடும் என்கிறது. கேள்விப் புலனைப் பெறும் இயந்திரம் பொருத்தப்பட்டால் வெற்றியளிக்கும் என்றும் சொல்கிறது.

அந்த இயந்திரத்தின் விலை 360,000 ருபாய்கள். அன்றாடம் காய்ச்சிகளான பெற்றோரால் இந்தத் தொகையைச் சேர்க்க முடியாதுள்ளது. எனவே இரக்கமுள்ள இதயத்தினரின் உதவியைப் பெற்றுக் கொள்வதற்காக வங்கிக் கணக்கு ஒன்று திறக்கப்பட்டுள்ளது.

காருண்யம் உள்ளவர்கள் இந்தச் சிறுவனின் எதிர்காலம் கருதி சிறிய தொகையாக இருந்தாலும் உரிய வங்கிக் கணக்கில் இடமுடியும். சிறு துளி பெருவெள்ளமாகும்.

இதைப் படித்ததும் பணம் செலுத்த வேண்டும் என்ற எண்ணம் வரலாம். நாளை அதை மறந்து போகாமல் இருக்கக் குறித்து வைத்துக் கொள்ளுங்கள்.

இறைவன் நம்மூலம் அச்சிறுவனின் பிரகாசமான எதிர்காலத்தை உருவாக்க எண்ணியிருக்கிறான் என்று நினைத்துக் கொள்ளுங்கள்.

“கொண்டு வந்தது எதுவுமில்லை! கொண்டு செல்லப்போவதும் எதுவுமில்லை!!”

கணக்கிலக்கம் - 046020281573 (HNB)

Mrs. M.R.F. Maimuna

46/11, Dhankanatha Road,

Mabola - Wattala